Marka aad noo soo dirayso caddaymaha caafimaad

Xafiiska Shaqadu (Arbetsförmedlingen) wuxuu kaa dalban karaa caddaymo caafimaad haddii aad qabto laxaad kala dhantaalan ama caafimaaddarro saamayn kugu leh marka aad shaqaynayso ama aad shaqo raadsanayso. Caddaymuhu waa noo muhiim marka aannu go’aan ka qaadanayno taageerada aad nooga baahan tahay.

Maxaa loo adeegsanayaa caddaynta caafimaad?

Si aannu kuugu caawin karno sida ugu wanaagsan, waxaannu u baahannahay sawir dhammaystiran oo ku saabsan baahiyahaaga. Sidaa darteed, wada hadal aannu kula yeelanayno ayaanu ku ogaanaynaa waxa aad ku fiicantahay iyo waxa aad qaban karto, iyo weliba caqabadaha iyo dhibaatooyinka la xiriira shaqada ama goobtaada shaqada. Caddaymaha caadimaad waa qayb ka mid ah qaybo badan oo ku jira qiimaynta guud ee aannu kula samaynayno waana noo muhiim marka aannu go’aan ka qaadanayno taageerada aad baahan tahay ee aad naga heli karto.

Taageerada aad heli karto marka aad qabto laxaad kala dhantaalan iyo caafimaaddarro

Waa maxay caddaymaha caafimaad?

Caddaymaha caafimaad waxay noqon karaan noocyo kala duwan oo caddayn dhakhtar ah, shaybaadh caafimaad ama faallo ka timid caafimaadka. Tusaale ahaan waa faallo diktoor, warbixin caafimaad ama baaritaan caafimaadka nafsiga ah. Waxa kale oo ay noqon kartaa caddayn ka timid iskulka dadka baahiyaha gaarka ah qaba ama iskuulka baahiya la waafajiyey.

Caddayntu waa in ay sharraxdo naafanimada ama jirrada aad qabto iyo sida ay adiga kuu saameeyso. Tusaale ahaan haddii ay kugu adagtahay in aad wax xasuusato ama isku taxallujiso u fiirsigiisa, ama aad qabto kaar jirka ah oo saamayn kugu leh. Si ay caddaymuhu u noqdaan ansax, waa in ay koobsadaan arrimahan soo socda:

  • Magacaaga iyo lambarka aqoonsiga shakhsiga
  • Magaca iyo derejada qofka sameeyey dhukumentiga
  • Taariikhda ay soo baxday.

Adigu waxa aad caddaymahaaga ka dalbansaa xarunta caafimaad ee aad xiriirka la yeelatay. Caddayn diktoor oo dhijitaal ah waxaad badiyaa, ka heli kartaa oo aad kala degi kartaa 1177.se. Haddii aad soo dhigatay iskuulka dadka baahiyaha gaarka ah qaba ama iskuul la waajafiyey baahiyaha gaarka ah, waxaad ka dalban kartaa iskuulkii aad dhigan jirtay.

Sidan ayaad u diraysaa caddayntaada

Waxaad kaliya u baahan tahay inaad soo dirto dhokumantiyada taageeraya haddii aad nalasoo xidhiidhay oo aan ka heshiinay. Kusoo dir cinwaanka boosta lagu siiyay, ama gacanta ugu keen xafiiska Xarunta Adeega Dawlada (Statens servicecenter).

Hel xafiis adeeg (statenssc.se)

Marka aannu helno caddaymahaaga, waannu iskaan-garayn doonnaa oo kaydin doonnaa. Caddaymaha looma gudbin doono shaqabixiyaha marnaba, ee gacanhayaha arrintaada maamulaya uun baa arki kara caddaynta.