Mishtoreslan po Bibutjakezhutora

Te phandenpe khetanes le arbetsgivare (kondelbutji) kusa arbetssökande (konrodelbutji) si amenge o maj vazhno. Ame sam khote kaj o zhutipe trobul te avel, pe intrego them. Sa so ame das thaj keras tumenge si iva bipotjinimasko. Katkaj jek prosto informacija pa kodo so ame shaj keras kana tu ashosa bibutjako.

Rode butji ando Platsbanken (Butjakobanko)

Ando Platsbanken si slobodni butja ande sogodicka kategoriji thaj thana. Iskirisar sosa tu kames te keres butji thaj kaj ando Shvedo tu rodes. Shuv pashe sa tjire kompetencuri (zanato) thaj so tu nakhlan perdal thaj kadalesa tu arakhes kodola butja save si slobodni pala vorta tjiro profilo.

O Platsbanken (pe shvedicka)

Iskirin tut ande sar bibutjako zheno

Kana tu ashos bibutjako trobuj tu te iskiris tut ande amende de khatar o angluno djes kana san bibutjako. Atunchi shaj te manges a-kassa thaj ame zhutisaras tut te arakhes jekh nevi butji. Tu iskiris tut ande amende maj ushoro pa amaro webbplatso, khetanes kusa o e-legitmation. Sarso iskiris tut ande amende tu keres tuke jokhvarsa jek tele shuti vrama amenca pe amaro angluno möte (chidipe) tusa.

Kana ashos bibutjako (pe shvedicko)

Raporterin tjire aktivitetura so keres

Kana tu san bibutjako trobul tu sako shon te raportiris save butja tu rodan thaj save kavera aktivitetura tu kerdan te shaj arakhes jekh butjakothan. Kado si vazhno te shaj les lasho zhutipe amendar te shaj arakhes o drom la butjako vaj sitjarimasko (edukacija), thaj anda kodo te shaj les kodo lov savo tut si chachipe te les sako shon. Maj ushoro si te raportiris tjire aktivitetura sako shon pe amaro webbplatso po internet.

Raportirisar tjire aktivitetura (pe shvedicka)

Ekonomicko (lovaslo) zhutipe kana tu san bibutjako

Kana ashos bibutjako shaj avel tut chachipe te les love khatar e a-kassa. Katji love tu les thaj pe savi lungo vrama tu shaj les kado lov ashol sa pala savi situacija tu san ande.

Potjinipe khatar e a-kassa (pe shvedicko)

Kontaktulin amen

0771-416 416

Puterimaskevrami: luja–parashtuj: 8–17

O kontakto amenca shaj maladjol te avel tolmachesa, thaj/vaj pe jekh anglal tele shuti vrama thaj than.

Majbut kontaktoskedroma (pe shvedicko)

Tjire chachimata

Ginav pa save chachimata tut si thaj so tu shaj te manges amendar pala o zakono.

Chiro chachipe te hasnis vaj vorbis anda nacionalno minoritetoskeshiba