Sasto aven aro Buttiakoroodibosko Agentuuros

Te sankaves it buttiako diinibongiire buttiako roodipongiirensa hin amengo koni fuortuno ĥanjiba. Ame sam doori, kai komuje roodena penge butti, aro hilo them. Saare amengo tšensti hin vojime lel uutan louvo. Dai hin saaruno džaaniba amengo tšenstenna kaana tu aaĥĥeha bibuttikaano.

Roode tukke butti aro Stedeskobankosta (Platsbanken)

Aro Stedeskobankos hin phirre butti are buut tšenstavitika stedi. Rann teele savo butti tu kammeha ta kai aro Sveittiko them tu kammeha te tšeeres butti. Tilja tukko hajiba ta dživibosko sikjiba, jakkes tu laĥĥeha ajasaave phirre butti, so hin tšihka aro tukko profilos.

Stedoskobankos/Platsbanken (sveittiko tšimbeha)

Rann arre tuut sar buttiako roodiboskiiros

Kaana tu aaveha bibuttikaano tu mostuveha rannes arre tuut sar bibuttikaano aro tukko angluno bibuttikaano diivesta. Taala tuut hin vojime te roodes a-kassa ta ame daha tukke jelpiba te roodes neevo butti tukke. Tu ranneha arre tuut koni stöttimes džinom amengo webb-stedes, tukko kokaro e-ID peleĥessa (identiteettosko peleĥkos). It tiija, kaana tu ranneha arre tuut, douva hin tukko angluno varresko staavibosko tiijako ring tšuuviba amensa.

Kaana tu aaveha bibuttikaano (sveittiko tšimbeha)

De raporttos dotta so tu hin tšerdal

Kaana tu aaĥĥeha bibuttikaano tuut hin mostiba del sakka tšoon raporttos dotta save butti tu hin roodidan ta save vaure saaki tu hin tšerdan te lel tukke butti. Dauva hin fuortuno saaka dooleske te tu leha tukke amenna hortto ĥlaagime jelpiba aro tukko džaaben aro butti elle skooliba, ta dooleske te tu lehas douva presiba so hunjula tukke. Koni stöttime veijos te del tukko raporttos amenge hin te tšeeres douva džinom amengo webbstedos.

De amenge tukko aktiviteettengo rapportos (sveittiko tšimbeha)

Huushollibosko presiba kaana tu aaĥĥeha bibuttikaano

Kaana tu aaĥĥeha bibuttikaano tuut hin horttiba te lel louvo amengo a-kassiatta. Sar buut ta sar ĥarĥal tu laha louvo botjila are doola saaki kai tu aaĥĥeha ta so hin tukko kokaro stedos.

Presiba/kaaniba a-kassiatta (sveittiko tšimbeha)

Le sankiba amensa

0771-416 416

Phirro aaĥĥibosko tiiji: kurkesko vaaguno–pangĥto diives: 8–17

Sankiba amensa mote paargong fanuves nii džeinom tšimbako risiboskiiros, ta/elle naaluno staavibosko tiijako ta stedosko ring tšuuvibossa.

Butide sankibiakoveji (sveittiko tšimbeha)

Tukko horttibi

Draba save horttibi tuut hin ta savo anglal svaaribi tuut hin vojime te stelles amenge.

Tukko horttiba te rakkes themmune beskide folkengo iega tšimbi