Mango horttiba te rakkes themmuno beskide folkengo tšimb

Rakkehako tu sami, fintika, meänkieli, jiddisch elle romani tšimb? Dai tu leha džaanel save tšimbakiire horttibi tuut hin ta save horttibi tuut hin vojime te stelles menge.

Themmune beskide folkengo tšimbe aro mengo internettiako webbpaĥos

Aro amengo webb stedos hin džaaniba dotta so hin tukko horttibi kaana tu aaĥĥeha bibuttikiiro, daala džaanibi hin risime aro beskide folkengo tŠimbe.

Amengo tŠensti

Froolaagimes džorale horttibi fintika, meänkieli ta sami tšimbenge

Tu koon rakkeha fintika, meänkieli elle sami hin aro tukko iega saaki horttiba te rannes amenge tukko iego tšimbeha. Paargongi tu mote aaĥĥes horttiba te lel tukke vojiba te rakkes amensa tukko iego tšimbeha nii, butvaris džeinom risiboskiiros. Douva horttiba hin phanglo kai tu buuruveha aro amengo them. Kaana tu buuruveha aro beskide folkengo tšimbengo fallibosko vollakiiriako rig tuut hin alti horttiba te rakkes amensa aro tukko iego tšimb.

Paargoni tu mote lel horttiba te lel tukke rannime risiba mengo dömmösta ta doola saakenna kai dauva dömmös botjila aro fintika, meänkieli ta sami.

Jiddisch ta romani tšimb

Jiddisch ta romani tšimb aaĥĥena biterritoriaale phangle beskide folkengo tšimbe, savo mienila te doola hin aaĥte ĥarĥal aro Sveittiko them bi doolensa naa vojime te sikaves iek froolaagime georgraafino stedos elle themmuno parttos. Daala tšimbe hin saarunes tšerto siila.

Saare themmune beskide folkengo tšimbe hyövyveha siilaves ta fendaves

Ĥielesko tšoonesko 1. diives berĥ 2010 stakridas aro džoor nevo themmuno laaga beskide folkenna ta lengo tšimbenna. Sar themmune beskide folkengo gruppi hin džinnime biboldengiire (jude), roma, same, sveittikofinitika ta tornedalengiire. Themmune beskide folkengo tšimbe aaĥĥena jiddisch, romani tšimb, sami, finska ta meänkieli.

Laaga phennela te themmune beskide folkengo tšimbi hyövyvaha siilaves ta fendaves. Doola koonen ĥunjuvena are daala beskide folkengo gruppi, leen hin horttiba te sikjuves, fendjaves peen ta rikkaves lengo iego tšimb. Tšenstaboskiire hyövyna ĥunnen beskide folken ta len apre lengo dikkiba ta kammibi.

Tšenstakiire hin tilsvaariba te den tukke džaaniba daala horttibienna, biphandimes dotta savo themmuno beskide folkengo tšimb tu rakkaveha, elle kai tu buuruveha aro Sveittiko them.

Daari tu vojuveha bansuves

Ke tukko džinta hin te ame naa na pherjavaha douva so laaga phennela tuut hin vojime te lel sankiba Themmuno fallibiessa (Länsstyrelsen) aro Tukholma themmeskofalliba (Stockholms län) elle aro Sameting. Douva hin aro lengo tilsvaariba te dikkes te laaga hin phjerjume sar douva hin ta dikkes nii paalal douva sar ame pherjavaha themmuno beskide folkengo laaga aro mengo butti.

Sametinget (sami tšimb)

Länsstyrelsen i Stockholms län (vaure tšimbe) - Tukholma themmeskofalliba

Draba butide

Här kan du läsa mer om minoritetsspråk och dina rättigheter:

Minoritet.se

Institutet för språk och folkminnen - Tšimbengo ta folkengominsibosko Institutos

Lagen om nationella minoriteter och minoritetsspråk - Themmuno beskide folkengo ta tšimbengo laaga