Duv riektá adnet nasjonála unneplågogielajt
Jus ságasta sáme, suoma, meänkieli, jiddisch jali romani chib? Dánna dån oattjo diehtet makkir gielalasj riektá dujna li, ja makkir gájbbádusájt dån máhtá adnet mijájs.
Nasjonála unneplågogiela mijá webbabielen
Mijá webbabielen gávnnuji diedo ma li manon gå joavddu bargodisvuohtaj, da li jårggålum nasjonála unneplågogielajda.
Sierra nanos riektá suobmaj, meänkielij ja sábmáj
Dån gut ságasta suomav, meänkieliv jali sámev aná ietjat ássjijn riektáv aktavuodav dållat tjálalattjat ietjat gielajn. Muhtem ássjijn dujna l máhttelis ságastit mijájn ietjat gielajn, ienemusát dålkå baktu. Dat la gatjálvis gånnå dån åro dán rijkan. Jus dån åro unneplågogiela háldadusguovlon la dujna álu rievtes ságastit mijájn ietjat gielajn.
Muhtem ássjijn dujna l duodden rievtes oadtjot tjálalasj jårggålimev märrádusájs ja märrádustjielggidusájs suobmaj, meänkieli ja sábmáj.
Jiddisch ja romani chib
Unneplågogielalága milta la dåssjå sábme, suobma ja meänkieli ma adni sierra nanos riektájt ja majda hähttu gárvedit viehkev dan milta mij tjuodtju badjelin. Jiddisch ja romani chib li guovlojda tjanák unneplågogiela, mij sisadná vaj da li addnum guhkev Svierigin valla e máhte tjaddnut sierra geográffalasj guovlojda. Da giela adni ienep almulasj nannidum suojev. Barggojuogosvidnudak la válljim buohtastahttet gájkka vihtta nasjonála unneplågogielajt ja fálli sämmi viehkev ja gárvedusáv gájkka dajda gielajda mijá digitála kanálajs ja persåvnålasj guhkasåbadustjåhkanimijda.
Gájkka nasjonála unneplågogiela galggi suoddjiduvvat ja doarjoduvvat
Vuostasj biejve ådåjakmáno 2010 doajmmagådij láhka nasjonála unneplågojda ja unneplågogielajda. Degu nasjonála unneplåhkon lågoduvvi judara, romera, sáme, svieriksuomaga ja turnedálliga. Da nasjonála unneplågogiela li jiddisch, romani chib, sábme, suobma ja meänkieli.
Láhka javllá at da nasjonála unneplågogiela galggi suoddjiduvvat ja doarjoduvvat. Dat gut gullu avtak nasjonála unneplåhkuj galggá adnet riektáv oahppat, åvddånit ja adnet suv unneplågogielav. Fábmodusá galggi gulldalit nasjonála unneplågojda ja válldet berustibmáj sijá dárbojt.
Fábmodusá hähttuji diededit dunji duv riektájt, makkirak nasjonála unneplågogielav dal hájn håla ja gånnå ájn Svierigin åro.
Lågå ienebuv
Dánna máhtá låhkåt ienebuv unneplågogielajs ja duv riektájs:
Instituhta gielajda ja almasjmujtojda
Láhka nasjonála unneplågojda ja unneplågogielajda