Buorre boahtem Barggojuohkemdåjmadahkaj

Aktavuodav barggovaddijs ja barggoåhttsijs la mijá ájnnasamos doajmma. Gájkka mijá dåjma li nåvkå. Dála l badjeloajvve diedo mijá dåjmajs gå la bargodisvuodan.

Åhtså bargov saddjebáŋkan

Saddjebáŋkan gávnnuji fert slája barggomáhttelisvuoda, ålo lágasj barggodåjmajs. Tjále majna sidá barggat ja gånnå Svierigin dån åtså bargov. Bieja lassen duv máhtojt ja barggovásádusájt de dån buohtastahteduvá barggomáhttelisvuodajda ma jussta hiehpi duv profijlaj.

Saddjebáŋŋka (dáro)

Tjále ietjat degu barggoåhttsen

Gå dån sjatta barggo dagi, dån máhtá tjállet ietjat sisi mijá lusi vuostasj bargodis biejves. De dån máhtá åhtsåt a-kássav ja de mij viehkedip duv gávnat ådå bargov. Dån álkkemusát tjála sisi ietjat mijá webbabielen, e-legitimasjåvnåjn. Dalla gå tjálá ietjat sisi, dån aj diŋŋgo mijáj duv vuostasj äjvvalimev.

Gå dån la barggo dagi (dáro)

Diededa duv dåjmajt

Gå dån la bargodisvuodan dån juohkka máno galga ilmodit makkir bargojt dån la åhtsåm ja makkir ietjá dåjmajt dån la dahkam barggoåttjudimijn. Dat la ájnas dan diehti at dån galga oadtjot njuolgga viehkev bargguj jali åhpadussaj, ja at dån galga oadtjot dav ruhtadårjav masi l dujna rievtes. Dat la álkkemus diededit ja ilmodit duv dåjmajt mijá webbabielen.

Ilmoda duv dåjmaj (dáro)

Ruhtadårja gå la bargodisvuodan

Gå dån la bargodisvuodan dujna la rievtes oadtjot ruhtadoarjjagav a-kássas. Man ålov rudáv dån oattjo ja man guhkev doarjja mávseduvvá la gatjálvis makkir dásen ja vidjurin dån la.

Ruhtadårja a-kássas (dáro)

Aktavuohta mijájn

0771-416 416

Rabásájge: mánnodak– bierjjedak: 8–17

Aktavuohta mijájn máhtá muhtem bále dagáduvvat dålkkå baktu, ja/jali åvddålmierredimdájge ja saje.

Lenep åhtsåmsaje

Duv Riektá

Lågå makkir riektá dujna li ja makkir gájbbádusájt dån máhtá tsieggit midjij.

Duv riektá adnet nasjonála unneplågogielajt