Du riekti geavtit našuvnnalaš minoritehtagiela

Humatgo sámegiela,suomagiela, meänkieli, jiddischa dehe romána chib? Dá beasat diehtit makkár gielalaš rievttit dus leat ja makkár gáibádusaid sáhtát bidjat midjiide.

Našuvnnalaš minoritehtagiella min webbáikkis

Min webbáikkis lea diehtu mii lea vuoimmis go šattat bargguheapmin, jorgaluvvon našuvnnalaš minoritehtagielaide.

Min bálvalusat

Erenomáš nanu rievttit suomagiela, meänkieli ja sámegiela váste

Dus gii sártnut suomagiela, meänkieli dehe sámegiela lea iežat earániin riekti gulahallat minguin čálalaččat iežat gillii.Dihto dáhpáhusain dus lea vejolašvuohta gulahallat maid njálmmálaččat minguin iežat gillii, dávjá dulkka vehkiin. Dat vuolgá das guđe guovllus riikka orut. Jus orut minoritehtagiela hálddašanguovllus dus lea álot riekti gulahallat njálmmálaččat minguin iežat gillii.

Dihto dáhpáhusain dus lea dan lassin riekti oažžut čálalaš jorgalusa mearrádusas ja mearrádusákkastallama iežat áššis suomagillii, meängillii dehe sámegillii.

Jiddisch ja romani chib

Jiddisch ja romani chib leat guvlui čatnasmeahttumat minoritehtagielat, mii mearkkaša ahte dat leat guhká leamas juo Ruoŧas muhto eai sáhte čadnojuvvot erenomáš geográfalaš guvlui. Dain gielain lea eanet almmolaččat hábmejuvvon suodji.

Buot našuvnnalaš minoritehtagielat galget suddjejuvvot ja ovddiduvvot

Ođđajagimánu 1. beaivve 2010 bođii vuoibmái láhka našuvnnalašminoritehtain ja minoritehtagielain. Našuvnnalaš minoritehtan rehkenasto juvddálaččat, románat, sámit, ruoŧasuopmelaččat ja duortnuslaččat. Našuvnnalaš minoritehtagielat leat jiddisch, romána chib, sámegiella, suomagiella ja meänkieli.

Láhka dadjá ahte našuvnnalaš minoritehtagielat galget suddjejuvvot ja ovddiduvvot. Das gii gullo našuvnnalaš minoritehtii galgá leat riekti oahppat, ovddidit ja geavtit iežas minoritehtagiela. Eiseválddit galget guldalit našuvnnalaš minoritehtaid ja váldit vuhtii sin dárbbuid.

Eiseválddiin lea geatnegasvuohta dieđihit dutnje du vuoigatvuođain, beroškeahttá man našuvnnalaš minoritehtagiela don sártnut ja gos Ruoŧas don orut.

Deike don sáhtát jorgasit

Jus mii eat du mielas čuovo lága don sáhtát váldit aktavuođa Stockholmma leana Leanastivrrain dehe Sámedikkiin. Dain lea bargun fuolahit ahte láhka čuvvojuvvo ja čuovvut mot mii dahkat duohtan lága našuvnnalaš minoritehtain ja minoritehtagielain min doaimmain.

Sáme Diggi (sámegiella)

Stockholma leana Leanastivra (eará gielat)

Loga eanet

Dáppe don sáhtát lohkat eanet minoritehtagielain ja iežat vuoigatvuođain:

Minoritet.se

Institutet för språk och folkminnen

Lagen om nationella minoriteter och minoritetsspråk