Tirro čačimos te les azna pol nationalno minoritenge śiba

Des duma samisko, finlandeza, meänkieli, žîdishko vaj romani śib? Kathe si te arakhes save čačimata situt te des duma tirri śib aj so situt čačimos te manges amendar.

Nationalno minoritenge śiba pe amari internetoski rig

Pe amari internetoski rig si informatzia pa so pasuilpe kana san bi butčjake, tolmačime pa sa le nationalno minoritenge śiba.

Amare servisurja

Specialo zurale čačimata silen le filandezurja, meänkielurja aj samiskurja

Tu savo des duma finlandeza, meänkieli vaj samisko situt čačimos ne tirri individualo situatzia te kers xramosardo sfato amentza pe tirri śib. Univar shaj te aveltut posibiliteto vi te shaj te keres verbalo sfato amentza pe tirri śib, butivar si tolmačjo savo žutil. Kado zavisîlspes pala kaj bešes ando čem. Te si ke bešes ne minoritenge śibake garutnengotan (förvaltningsområde) situt sakon data čačimos te keres verbalo sfato amentza pe tirri śib.

Ne uni situatzi opral maj but situt čačimos te delpestuke jekh xramosardi translacija po zakono so dineapes aj le motivurja ko zakono ne tirri situatzia po finladeza, meänkieli aj respektivo po samisko.

Žîdishko aj romani śib

Žîdishko aj romani śib naj phangle ke jekh minoritenge śibake teritoriu, kodo so aćarelpes ke von sas de but vramja ando Švedo aba naśtilpes te arakhelpes jekh specialo geografisko than te kereples jekh panghlimos. Kadala śiba silen jekh maj džinerari formulime protektzia.

Sa le nationalno minoritenge śiba musaj te aven protežime aj te aven vazdime

Ando 1 januvari 2010 deapes avri e kris pol nationalno minoriteturja aj le minoritenge śiba. Sar nationalno minoriteturja ginavelpes le žîdovurja, le rom, le samurja, švedoske finlandezurja aj le tornedalurja. Le nationalno minoritenge śiba si Žîdishko, romani śib, samisko, finlandeza aj meänkieli.

E kris mothol ke le nationalno minoritenge śiba musaj te aven protežime aj te aven vazdime. Kodo so si katar jekh nationalno minoriteto musaj te avel les čačimos te sikavelpes, te bariol peski śib aj te uzil peski minoriteto śib. Le statoske institutzi musaj te šunel pol nationalno minotiteturja aj te len sama pa lenge trebujimos.

Le statoske institutzi silen obligacija te den tut informatzia pa tirre čačimata, bi te lel pes sama po savo nationalno minoriteto śib des duma aj kaj ando Švedo bešes.

Kathe shaj te boldes tut

Te si ke gindis ke či keras so phenelpes ande kris shaj te les kontakto po Länsstyrelso ando Stockholmo vaj po Sametingeto. Von silen responsabiliteto te roden te si ke e kris respektilpes, aj te dikhen sar amen zumas te vazdas e kris pol nationalno minoriteturja aj minoritenge śiba ne amari butči.

Sametingeto (samisko)

Länsstyrelso ando Stockholmo (diferitno śib)

Dźin maj but

Kathe shaj te dźines maj but pa minoritenge śiba aj pa tirre čačimata:

Minoritet.se

Instituto pol śiba aj manušenge aminte

E kris pol nationalno minoriteturja aj le minoritenge śiba