Lönebidrag

Waa maxay kabitaan mushahar?

Kabitaan mushahar waa taageero dhaqaale oo la siinayo shaqabixiyahaaga si uu duruufahaaga u waafajiyo shaqada iyo goobta shaqada. Kabitaanka mushaharka waxaa loo bixin karaa:

• si aad u horumariso aqoontaada iyo kartidaada shaqo si aad sahaalo ugu helo karto shaqo ama u bilaabi karto waxbarasho. Taageeradan waxaa lagu magacaabaa kabitaannka mushaharka ee horemarka shaqada gudaheeda.
• si aad kor ugu qaaddo fursadahaaga aad ku heli karto oo ku sii haysan karto shaqo ku habboon aqoontaada iyo xirfadahaaga. Taageeradan waxaa lagu magacaabaa kabitaanka mushaharka ee shaqaalaynta.
• adigaaga u baahan taageero raagta si aad u hesho oo u sii haysato shaqo. Taageeradan waxaa lagu magacaaba kabitaanka mushahar ee ku xasilidda shaqada.

Waxaad u shaqeyn kartaa shaqabixiyayaal shibil ah iyo kuwa dowladeed intaba. Waxaad noqon kartaa qof shaqadiisu joogto tahay ama haysta shaqo ku meel gaar ah, waxaadna shaqeyn kartaa waqti buuxa ama waqtiga qaarkiis.

Go’aanka ugu horreeya ee kaalmada lacageed ee mushaarku waxay ugu badnaan noqon kartaa hal sano. Haddii aad waqti dheer u baahantihid in baahidaada wax la waafajiyo waan dheereyn karnaa go’aanka. Waqtiga fog hadafku waa in shaqadaadu ay isu beddesho shaqo aan ahayn mid kaalmo lacageed shaqabixiyaha la siinayo.

Qofkii heli kara kabitaanka mushahar?

Waad heli kartaa shaqo leh kaalmo lacageed oo xagga mushaarka ah haddii aad tihid qof shaqo raadis ah oo qaba naafanimo keeneysa hoos u dhac xagga karaanka shaqada ah. Waxaad u baahantahay in aad shaqadoon ahaan nooga ag qorantihid.

Sidan ayey wuxu u shaqeeyaan

• Kahor inta aan go'aanka arrinta taageero-dhaqaaleedka mushaharka [lönebidrag] aan gaarin, waxaan ku dhaqaaqi doonaa qiimaynta fursadahaaga iyo xaaladda aad imminka ku sugan tahay.
• Si wada jir ah ayaannu adiga iyo shaqabixiyaha isula baaraynaa baahida aad u qabto waafajin iyo taageero marka la fiiriyo shaqada aad hadda hayso iyo duruufta goobta shaqada ka jirta. Waxaannu diyaarinaynaa wixii lagu salayn lahaa go’aanka oo ah xogta ku aaddan waafajinta iyo taageerada.
• Kaydka xogta baaritaanku wuxuu qeexayaa sida aad kor ugu qaadi karto awooddaada shaqo si aan mustaqbalka loogu baahan kabitaan mushahar. Horumarinta kartidaada aqooneed, hagitaan iyo agabka kaalmaynta shaqadu waa tusaalaha waxyaalaha soo geli kara.
• Waxaannu kula soo xiriiraynaa marka ay shaqaalaysiintu bilaabanto ka dib, si aannu ula soconno siday wax idiinku shaqeeyaan adiga iyo shaqabixiyaha.
  

Mushaharka

Waxa aad shaqabixiyaaga xaq ugu leedahay mushahar iyo xuquuqaha kale ee shaqada sida uu dhigayo heshiis-wadareedka shaqada iyo shaqaalaha. Haddii aanu jirin heshiiswadareed, waa in mushaharka iyo xuquuqaha kale la mid noqdaan qaybaha muhiimka ah ee heshiiswadareedka shaqada iyo shaqaalaha.