Bidrag för personligt biträde

እንታይ

ዕላማ ናይቲ ውልቃዊ ደገፍ ድጎማ ስራሕ ብቐሊሉ ንኽትረኽቡን ክትዕቅቡን ንምኽኣል እዩ። እቲ ድጎማ ኣብ መደብ ፖሊሲ ዕዳጋ ስራሕ ወይ ኣብ ስራሕ ተኰር ትምህርቲ (APL) ክትሳተፉ እውን ቐሊል ክገብረልኩም ይኽእል እዩ። ዓርሰ-ቖፀር እንተኾይንኩምን ጉድኣት ኣካል እንተሃልይኩምን እዚ ማለት ውልቃዊ ሓጋዚ የድልየኩም እዩ፡ ድጎማ እውን ክትረኽቡ ትኽእሉ ኢኹም።

እቲ ውልቃዊ ሓጋዚ ባዕልኹም ክተካይዱዎም ዘይትኽሉ ተደጋገምቲ ዕማማት ንምስራሕ ወይ ተደጋገምቲ ናይ ስራሕ ኩነታት ንኽትኣልዩ ክሕግዘኩም ዝተመደበ ሰብ እዩ። እቶም ዕማማት ብደገፍ ናይቲ ውልቃዊ ሓጋዚ ትፍፅምዎም።

ንውልቃዊ ደገፍ ዝኸውን ገንዘባዊ ድጎማ ክረክብ ዝኽእል እቲ ወሃቢ ስራሕ እዩ። እቲ ድጎማ ኣብ ዓመት እንተበዝሐ 60,000 ክሮነር እዩ። ዓርሰ-ቖፀር እንተኾይንኩምን ዓበይቲ ናይ ምርድዳእ ፀገማት ዘስዕብ ጉድኣት እንተሃልይኩምን፡ ከም ፈጣሪ ስራሕ ኣብ ዓመት ክሳብ 120,000 ክሮነር ድጎማ ክትረኽቡ ትኽእሉ ኢኹም።

ወሃቢ ስራሕኩም ወይ ንስኹም፡ ከም ዓርሰ-ቖፀር ሰብ፡ ስራሕኩም ንምፍፃም ደገፍ ውልቃዊ ሓጋዚ ክሳብ ዘድለየኩም፤ ነቲ ድጎማ ክትረኽብዎ ትኽእሉ ኢኹም።

ንመን

ወሃቢ ስራሕኩም ብቑዕ ክኸውን ይኽእል እዩ፡ ብሰንኪ ጉድኣት ኣካል ዓቕሚ ስራሕ እንተቐኒስኩምን

• ግቡእኹም ንምፍፃም ውልቃዊ ደገፍ እትደልይሉ ስራሕ ኣለኩም ወይ ክትረኽቡ ቀሪብኩም ኣለኹም፣
• ኣብ ላዕለዋይ ካልኣይ ብርኪ ቤት ትምህርቲ ኮይንኩም ኣብ ስራሕ ተኰር ትምህርቲ (APL) ንምስታፍ ውልቃዊ ደገፍ የድልየኩም፣ ወይ
• ኣብ መደብ ፖሊሲ ዕዳጋ ስራሕ ወይ ሞያዊ ዳግመ-ብቕዓት ክትሳተፉ ምእንቲ ውልቃዊ ደገፍ የድልየኩም።
  

ብኸመይ ከም ዝሰርሕ እንሆ

• ኣብ ስራሕኩም ውልቃዊ ሓገዝ ምስ ዘድልየኩም፡ ንኤጀንሲ መራኸብ ስራሕ (Arbetsförmedlingen) ርኸቡ።
  
  
• ኣብ ኤጀንሲ መራኸቢ ስራሕ እንተዘይተመዝጊብኩም፡ ወሃቢ ስራሕኩም ጥቕማጥቕምታት ንኽረክብ ክትምዝገቡ ከድልየኩም እዩ።
  ባዕልኹም ተመዝገቡ (Skriv in dig)
  
  
• ምሳኹምን ምስ ወሃቢ ስራሕኩምን ብሓባር ድልየታትኩም ክንግምግም ኢና።
  
  
• ወሃቢ ስራሕኩም ውልቃዊ ሓገዝ ከም ዘድልየኩም መረዳእታ ክህበና ኣለዎ።
  
  
• ኤጀንሲ መራኸቢ ስራሕ እቲ ወሃቢ ስራሕ ነቲ ድጎማ ዘርክብ ቅድመ ኹነት ከም ዘማልአ ይምርምር እሞ እቲ ድጎማ ክንደይ ክኸውን ከም ዘለዎ ይውስን።