Skyddat arbete hos offentlig arbetsgivare

እንታይ

ሓደ Skyddat arbete hos offentlig arbetsgivare ፡ ምስቲ ናትካ ኵነት ከም ዝሰማማዕ ዝተገብረ ሓደ ናይ ግዜ ገደብ ዘለዎ ስራሕ እዩ። እቲ ስራሕ ዝቘጽረካ ማዕረ ማዕሪኡ ሓደ ቍጠባዊ ሓገዝ ይረክብ እዩ። ዕላማ ናይ ውሑስ ስራሕ፡ ናይ ስራሕ ዓቕምካ ንኸተማዕብልን ብኡ ጌርካ ድማ ስራሕ ንምርካብ ዘሎካ ዕድላት ንኸተመሓይሽን እዩ።

ሓደ ውሑስ ስራሕ ክሳብ ን12 ኣዋርሕ ክህልወካ ይኽእል እዩ። ቀጻሊ ደገፍ የድልየካ እዩ ኢልና እንተ ገምጊምና፡ እቲ ግዜ ናይ ውሑስ ስራሕ ክናዋሕ ይኽእል እዩ።

ንመን

ሓደ ውሑስ ስራሕ፡ ንዓኻ ዝነከየ ናይ ስራሕ ዓቕሚ ዘስዕብ ሓደ ስንክልና ንዘሎካ እዩ። ኣባና ከም ደላይ ስራሕ ዝተመዝገብካ ክትከውን የድልየክ። ከምኡ’ውን ገለ ካብ’ዞም ዝስዕቡ ናይ ግድን ከተማልእ ኣሎካ፦

• ናይ ልበወንታዊ (ኮግንቲቭ) ስንክልና ወይ ብምኽንያት ጸገም ናይ ብዘይ ግቡእ ዝውተራ ወይ ወልፊ ዝነከየ ዓቕሚ ስራሕ ዘሎካ ኢኻ።
• ብመሰረት ሕጊ ብዛዕባ ደገፍን ኣገልግሎትን ንስንኩልን መሰል ናይ ደገፍ ዘሎካ ኢኻ።
• ብምኽንያት ከቢድ ስነ-ኣእምሮኣዊ ሕማም ቅድሚ ሕጂ ሰሪሕካ ኣይትፈልጥን ኢኻ ወይ ካብ ናይ ስራሕ ዓለም ንነዊሕ ግዜ ርሒቕካ ዝነበርካ ኢኻ።

ብኸምዚ ይሰርሕ።

• ንሕና ምሳኻን ምስ’ቲ ወሃቢ ስራሕን ብሓባር ኴንና ኢና፡ ሓደ ናይ ስራሕ ቦታ ንዓኻ ብቑዕ እንተ ኾይኑን ኣየኖት ዕማማት ንዓኻ ከም ዝሰማምዑን ግምገማ ንገብር።
• ምሳኻን ምስቲ ወሃብ ስራሕን ሓደ ውዕል ንጽሕፍን ምስ ማሕበር ሰራሕተኛታት ድማ ንማኸርን ኢና። ኣብቲ ስምምዕ ንስኻ ኣየኖት ዕማማት ከም ዝህልዉኻን እንታይ ዓይነት ደገፍን መምርሒን ከምዘድልየካን ሰፊሩ ኣሎ።
  
• እቲ ወሃቢ ስራሕ ንስኻ ነቲ ሓዲሽ ስራሕካ ምጅማርካን እቲ ዘድልየካ ደገፍ ከም ትረክብን ናይ ምርግጋጽ ሓልፍነት ኣለዎ።

ከመይ ከም ትኸይድ ዘሎኻ ብስሩዕ ንከታተልን ከምኡ’ውን ንዓኻን ነቲ ወሃብ ስራሕን ደገፍ ኢና።

ደሞዝ

ኣብቲ ናይ ውሃብ ስራሕ ናይ ሓባር ውዕል ዘለዉ፡ ወይ ምስቲ ናይቲ ሞያ ደረጃ ደሞዝ ማዕረ ዝኾነ ደሞዝን ናይ ስራሕ ረብሓታትን ንምርካብ መሰል ኣሎካ።

ሓለዋ መቝጸርቲ-ስራሕ

እቲ ወሃብ ስራሕ ብመሰረት ናይ ሓባር ውዕል ናይ ስራሕ ሙቝጻር ሓለፋታት ክህብ ሓላፍነት ይወስድ።