ደገፍ ንጥፈትን ክፍሊት ምዕባለን
ደላይ ስራሕ ከለኻን ኣብ ገለ ካብቶም ፕሮግራማትና ኣብ ትሳተፈሉ ዘሎኻሉ እዋንን፡ ካብ ቤት ጽሕፈት ካሳ ውሕስነት ክፍሊት ክትረክብ ትኽእል ኢኻ። እቲ ትወሃቦ ክፍሊት ደገፍ ንጥፈት ወይ ክፍሊት ምዕባለ ይብሃል።
ክፍሊት ክረክብ ከመይ ክገብር ኣለኒ?
ኣብ ገለ ካብ’ቶም መደባትና ምስ ትምዝገብ፡ካብ ቤ/ጽ ማሕበራዊ መድህን(ፈርሸክሪን ካሳን) ክፍሊት ንኽወሃበካ ከተመልክት ኣለካ።እቲ ተመልክቶ ናይ’ታ ዝነጠፍካላ ዝሓለፈት ወርሒ እዩ።ከምኡ እንዳ ገበርካ ድማ ወርሒ ወርሒ ትቕጽሎ።እቲ ዝቐለለ ኣብ መካነ-መርበብ(ዌብሳይት) ናይ ቤ/ጽ ማሕበራዊ መድህን(ፈርሸክሪን ካሳን) ምስ ተመልክት እዩ።ከመይ ገይርካ ከም ተመልክትን እቲ ክፍሊት መዓስ ከም ዝወርደልካን ኣብኡ ኣብ’ቲ መካነ-መርበብ ከተንብቦ ትኽእል።
ካብ ቤት ጽሕፈት ካሳ ውሕስነት ንኽፍሊት ኣመልክት (forsakringskassan.se)
ክንደይ ዝኣክል ገንዘብ እዩ ዝወሃበኒ?
ኣብ ሓደ ናይ ቤ/ጽ ዕዮ መደብ(ፕሮግራም) ምስ ትሳተፍ፡እንተ በዝሐ ንሓሙሽተ መዓልትታት ኣብ ሰሙን ብሕሳብ ውሱን ክፍሊት ንመዓልቲ ይስለዓልካ።ስለ’ዚ ናይ’ተን ኣብ’ቲ ፕሮግራም ኮይንካ ትሳተፈን ነፍሲ-ወከፍ መዓልትታት ክፍሊት ክወሃበካ ከተመልክት ትኽእል።
እቲ ንመዓልቲ ዝዉሃበካ መተካእታ ገንዘብካ ኣብዚ ዝስዕብ ዝተመርኮሰ እዩ፡ ዕድሜኻ ክንደይ ምዃኑ፣ እቲ ካብ ናይ ስራሕ ኣልቦነት ካሳ (a-kassa) ናይ ስራሕ ኣልቦነት ዝዉሃብ መተካእታ ገንዘብ (arbetslöshetsersättning) ንኽትረክብ ኩነት ተማልእ ወይ ዘይተማልእ እንተ ኾንካ፡ እንድሕሪ ድኣ ካብ ናይ ስራሕ ኣልቦነት ካሳ መትካእታ ገንዘብ እዋን ኣሎካ ኣብቲ እዋን ክመጸካ ዝነበሮ ናይ ንጥፈታት መተካእታ ገንዘብ ካብቲ እዋን እቲ ይጎድል።
ኣብቲ ናይ ዉሕስነት ካሳ (Försäkringskassan) መርበብ ኢንተርነት ክንደይ ገንዘብ ከም ትረክብ ክትሪኦ ትኽእል ኢኻ።
ኣብ ሓደ መደብ(ፕሮግራም) ትሳተፍ እንተኾይንካ (መካነ-መርበብ ናይ ቤ/ጽ ማሕበራዊ መድህን) (forsakringskassan.se)
እቲ ገንዘብ መዓስ እዩ ዝኽፈል?
ኣብቲ መደብ ትካል ማሕበራዊ መድሕን ሽወደን (Försäkringskassan) ድሕሪ ዝተሳተፍኩምሉ ነፍሲ ወከፍ ወርሒ ካሕሳ ትሓቱ። እቲ ገንዘብ ብዕዳ ይኽፈል።
ካብ 1 ክሳብ 7 ናይ ወርሒ ኣብ ዘሎ ግዜ ኣመልክቱ፣ እቲ ናይ ሽወደን ናይ ማሕበራዊ ውሕስነት ቤት ጽሕፈት ድማ ኣብ 26 ናይ'ቲ ወርሒ እቲ ገንዘብ ክኸፍል እዩ።
ድሕሪ 7ይ ዕለት እንተሓቲትኩም፣ እቲ ሓገዝ ክሳብ ዕለት 26 ናይታ እትስዕብ ወርሒ ኣይወሃበኩምን። ቅድሚ መወዳእታ ናይ'ቲ ወርሒ እንተዘይኣመልኪትኩም፣ ነቲ ናይ'ቲ ዝሓለፈ ወርሒ ዝወሃበኩም ሓገዝ ክትስእኑ ትኽእሉ።
ካብ ማሕበራዊ መድሕን ሽወደን ናይ ካሕሳ (Försäkringskassan) (forsakringskassan.se) ሕቶ ኣቕርቡ።
ነቲ ናይ ገንዘበይ መተካእታ ክዕቅብ እንታይ ከማልእ ኣሎኒ?
ብዘይ እቲ ዝዉሃበካ መተካእታ ገንዘብ ምእንቲ ከይትተርፍ ነቲ ትገብሮ ናይ ስራሕ ምንዳይ ክትኣልዮ ኣገዳሲ እዩ ከምኡ ዉን ነቲ ናይ ስራሕ ኣልቦነት ግዜኻ ምእንቲ ከይናዋሕ ንዝዉሃበካ ኹሉ ናይ ስራሕ ዕድል ሕራይ ኢልካ ምቕባል፡ እዚ ማለት ንምሳሌ እቲ ምስና ዘሎካ መደብ ምክትታልን ከምኡ ኽኣ ኣብ ኣኼባን ኣብ ካልእ ዝተሰማማዕናሉ ንጥፈታትን ምስታፍን፡ እንድሕሪ ድኣ ካብቶም ናትና ኣቕረብቲ ደገፍ ትረክብ ኴንካ እቲ ትገብርዎ መደብ ክትከታተል ኣሎካ።
ኣብ ናይ ተግባር ትልሞም እንድሕር ዘይሃልዩ ጥራሕ እንበር ንቑሕ ምዃንን ስራሕ ክእልሹን ኣለዎም። ከምኡ እውን በቢወርሑ ካብ 1ይ ክሳብ መበል 14 ኣብ ዘለዉ መዓልትታት ሓበሬታ ንጥፈት (aktivitetsrapport) ከቕርቡ ኣለዎም።
እቲ ኩነት ኩሉ ማለት እንድሕሪ ድኣ ናይ ምንዳይ ስራሕካ ብሕማቕ ኣገባብ ሒዝካዮ ወይ ናይ ስራሕ ኣልቦነትካል ግዜ እንድሕሪ ኣናዊሕካዮ ነቲ ናይ መተካእታ ገንዘብካ ጽልዋ ክገብረሉ ከም ዝኽእል ምፍላጥ ኣገዳሲ እ+ዩ።
እንድሕሪ ሓሚምካ ወይ ዝሓመመ ቆልዓ እንድሕሪ ክትኣሊ ኾንካ ኣብቲ መደብ ክትካፈል ከም ዘይትኽእል ንዓና ምሕባር ከድልየካ እዩ፡ እንድሕሪ ድኣ ከተዕርፍ ደሊኻ ኣቐዲምካ ካባና ተቐባልነት ክትረክብ ኣሎካ።