Taageerada hawsha iyo magdhawga horumarka
Marka aad tahay shaqo raadiye kana qayb-qaadato mid ka mid ah barnaamijyadayada waxaad lacag ka heli kartaa Qasnada Caymiska inta lagu jiro wakhtigan. Magdhabkan waxaa lagu magacaabaa taageerada hawsha ama magdhawga horumarka.
Sidee ayaan samaynayaa si aan u helo magdhab?
Kaddib markii lagugu qoro barnaamij, ayaa arjayga gunnada u qoran kartaa Khasnadda caymiska bulshada [Försäkringskassan]. Bil kasta bisha ku xigta ayaa codsan kartaa gunnada. Habka ugu fudud ee gunnada arjay loo qorto waa iyadoo la adeegsado barta internetka Khasnadda caymiska bulshada [Försäkringskassan]. Isla barta ayaa warbixin dheeraad oo ku saabsan sida arjayga loo qorto ka aqrisan karta iyo sida lacagaha loo bixiyo.
Codso magdhabid laga helo Qasnada Caymiska
Maxaa shuriud u ah in la helo magdhabid?
Marka aad ka qayb-qaadanayso barnaamij waa muhiim inaad raacdo qorshaha aad si wada-jir ah noola samaysay. Macnaheedu waxay tahay in tusaale in aad ka qaybgasho dhaqdhaqaaqyada wadajir aan ugu heshiinay. Haddii aad taageero ka hesho adeeg-bixiyeyaasha aan heshiiska la galnay waa inaad xitaa tixgeliso qorshaha lagu dejiyay. Waa inaad hab firfircooni u raadsato shaqo, waa haddii aadan qodob kale nalaga heshiin.
Waa inaad bil kasta soo gudbiso Qoraalka wargelinta dhaqdhaqaaqyada shaqada [aktivitetsrapporten], kuna soo qorta dhammaan dhaqdhaqaaqyada aad hirgelisay iyo shaqooyinkii aad arjay u qoratay. Waxay noqon karaan shaqooyin boos ka bannaan oo la soo xayeeysiiyay, ama aad wargelisay inaad xiisaynayso ama aad shirkadda shaqo-bixiyeha ah siisay cv-gaaga, ama kuwa Xafiiska Shaqada kugu gubabiyay inaad arjay u qorato (anvisat), ama ku siiyay naseexada booska shaqo ee bannaan. Waa in Qoraalka wargelinta dhaqdhaqaaqyada shaqada [aktivitetsrapport] aad bil kasta soo dirta laga bilaabo markii bisha ay ku beegan tahay 1:da ilaa 14:keeda.
Waa inaad xitaa na wargelisa haddii aad xannuunsato ama ubad u ka xannuunsado, xaaladdaas u ku suurtagalayn inaad ka qaybgasho barnaamijka.
Lacag intee leeg ayaan anigu helayaa?
Markii aad ka qaybgalayso barnaamij waxaa shan maalmood ee todobaadkii lagu siin doonaa lacag go'an. Maalin kasta oo aad barnaamij ka qaybgasho waxaad darteed u dalban kartaa in lacag lagu siiyo.
Gunnada maalintii lagu siin karo waa hadba da'daada iyo haddii shuruudaha lagu qaato gunnada Khasnadda caymiska shaqolaaweyaasha [a-kassa] ay bixiso iyo in kale . Barta internetka ee Khasnadda caymiska bulshada [Försäkringskassan] ayaa ka aqrisan kartaa inta ay la eg tahay lacagta lagu siin doono.