Uppdragsutbildningar för akademiker
ናይ ኣካድሚያዊ ዲግሪ እንድሕሪ ኣሎካ በቲ ብናህና እተመዘዘ ትምህርቲ ዝዉሃብ ኮርሳት ከተማልኦ ትኽእል፡ ዕላማ ናይዚ በቲ ናትካ ሞያ ብቐሊሉ ስራሕ ክትረክብ ወይ ክኣ ነቲ ናይ ሞያኻ ምስክር ወረቐት ንኽትረኽበሉ ዝግበር ናይ ፍልጠት መርመራ ንኽትሓልፎ ፍልጠትካ ንኸተዛይዶ ዕድል ንኽትረክብ እዩ።
ንኣካዳማዉያን እተመዘዘ ትምህርቲ እንታይ እዩ?
መራኸብቲ ስራሕ (Arbetsförmedlingen) ኣብቲ ሕጽረት ናይ ሰራሕተኛታት ዘለዎ ሞያታት ንዝምልከት ምስ ዩኒቨርሲትን ኮለጃትን ብምትሕብባር ብመራኸብቲ ስራሕ ዝምወል እተመዘዘ ትምህርቲ የዳሉ፡ እቲ ዕላማ ናይ ኣካዳሚያዊ ዲግሪ ዘሎካ ብሞያኻ ብቐሊሉ ስራሕ ክትረክብ ወይ ነቲ ናይ ሞያኻ ምስክር ወረቐት ክትረኽበሉ ትገብሮ ናይ ፍልጠት መርመራ ክትሓልፎ ምእንቲ ኣብቲ እተመዘዘ ትምህርቲ ዘሎ ኮርሳት ብምክፋል እቲ ዘድልየካ ከተማልእ ትኽእል።
እቲ ትምህርቲ ብናይ ኮለጅ ደረጃ ኮይኑ ኣብ ሓደ ሓደ ኩነታት ናይ ኮለጅ ነጥቢ ይህብ፡ ኣብኡ ክትካፈል ከሎኻ ናይ ንጥፈታት መተካእታ ገንዘብ ክመጸካ ከተመልክት ትኽእል ናይ ሲ ኤስ ኤን (CSN) ናይ ትምህርቲ ገንዘብ ኣይኮነን፡ እዚ እተመዘዘ ትምህርቲ ናይ ሙሉእ ስዓታት ኮይኑ ብናይ ርሕቀት (distans) ይዉሃብ፡ ኣብ ዉሽጢ ሃገር ኣብ ድላይካ ክትቅመጥ ትኽእል።
ብዙሓት ናይ እተማእዘዙ ትምህርትታት ብናይ ኣካዳማዉያን ቋንቋ ሽወደን ወይ ካልእ መዳለዊ ዘለዎ ትሕዝቶታት ይጅምሩ ድሓር በቲ ሞያ ልምምድ ብምግባር ክዛዘምዎ ይክኣል፡ እቲ ናይ መዳለዊ ትምህርትን ልምምድን ብናይ ኣካዳማዉያን ኣሰር ሓጺር መንገዲ (Akademikerspåret Korta vägen) እዩ ዝካየድ፡ ኣብቲ ናይ ኣካዳማዉያን ኣሰር ሓጺር መንገዲ ብዘይ እተመዘዘ ትምህርቲ ዉን ክትካፈል ትኽእል ኢኻ።
እዚ ዕድል ናይ እተመዘዘ ትምህርቲ መን ክካፈሎ ይኽእል?
እዚ ትምህርትታት ኣብ መራኸብቲ ስራሕ ከም ደላይ ስራሕ ዝተመዝገበን ናይቲ እዋናዊ ትምህርቲ ድማ ዲግሪ ንዘለዎ ሰብን ይምልከት፡ እቶም ኮለጅን ዩኒቨርሲትን እቲ ናይ ፍልጠትካ ክእለታት (meriter) ይግምግሙ መራኸብቲ ስራሕ ድማ ናይ ምቕባል ጉዳይ ይዉስኑ፡ ጽቡቕ ክእለት ናይ ቋንቋ ሽወደን ከድልየካ እዩ።
ኣብ 2023 ዝጅመር እተመዘዘ ትምህርትታት
ኣብ 2023 ነዞም ናይ ሞያ ምስክር ወርቐት እተመዘዘ ትምህርቲ ኣሎና፡ ኣብዚ ዝስዕብ ናይ ነፍሲ ወከፍ ሞያ ተወሳኺ ሓበሬታን ከመይ ጌርካ ከም ተመልክትን ክኣ ትረክብ።
ዝወሃብ ክፍሊት ገንዘብን ጠለባትን
ከም’ዚ ዓይነት ደገፍ ምስ ዝወሃበካ ኣብ ሓደ ናይ ቤ/ጽ ዕዮ መደብ(ፕሮግራም) ትሳተፍ ኣለኻ ማለት’ዩ።ስለ’ዚ ካብ ማሕበራዊ መድህን(ፈርሸክሪን ካሳ) ክፍሊት ክወሃበካ ከተመልክት ትኽእል።ክፍሊት ገንዘብ ክወሃበካ ከመይ ገይርካ ከም ተመልክትን ኣብ ሓደ ካብ’ቶም ቤ/ጽ ዕዮ ዝህቦም መደባት(ፕሮግራማት) ምስ ትሳተፍ እንታይ ዓይነት ጠለባትን ረብሓታትን ከም ዘለዎም፡ኣብ’ዚ ከተንብቦ ትኽእል ኢኻ።
ከምዚ ጌርካ ቀጻሊ ስጕምቲ ትወስድ
ምሳና ርክብ ግበር
እቲ ደገፍ ስራሕ ናይ ምርካብ ዕድልካ ስለምንታይ ከዕብዮ ከም ዝኽእል ምክንያት ንምሃብ ተቐራረብ።
እቲ ውሳነ
ብሓባር ኴንና ብዅነታትካ ንምርምሮ። ሓደ መራኸቢ ስራሕ እቲ ደገፍ ስራሕ ንምርካብ ዘሎካ ዕድል ንኽዓቢ ጽቡቕ ኣገባብ እንተ ኾይኑ ይግምግሞ።
ውሳነ
ኣየናይ ደገፍ ከም ነወፍየልካ እቲ ናትካ ኵነታት ከመይ ከም ዝመስል እዩ ዝውስኖ። ሓደ ደገፍ ንምርካብ መን መሰል ከም ዘለዎ ኣብ መጠረሽታ ብመንግስቲ እዩ ዝውሰን።