Shuruudo ku aaddan marka aad gunno ka qaadato qasnadda shaqa la'aanta

Markaad ka heshid magdhowga sanduuqa caymiiska shaqo la’aanta (a-kassan), waxaad u baahan tahay inaad si joogto ah u raadisid shaqooyinka kugu haboon oo aad u gudbisid warbixinta shaqada (aktivitetsrapport) Addeega Shaqaaleysiinta (Arbetsförmedlingen) bilkasta. Halkan waxaad ka akhrin karta waxaad u baahan tahay inaad sameysid si aanad khatar ugu galin helitaanka digniin ama waayida magdhowga maalin ama dhowr.

Maxaan u baahanahay inaan sameeyo?

Si aanad khatar ugu gelin in aad gunno la'aan noqoto hal maalin ama in ka badan waxaad u baahantahay inaad ka adkaato shaqo raadintaada, aadna raacdo qorshaha iyo heshiisyada aad nala leedahay.

Waxay taasi ka dhigantahay inaad u baahantahay

waa inaad codsato ugu yaraan 6 shaqo oo habboon bishiiba (haddii aysan tira kale ku qorneyn qorshe hawleedkaaga), tusaale ahaan shaqooyinka la xayaysiiyay iyo shaqooyinka uu Xafiiska Shaqadu kugula taliyay, ama shaqabixiye u gey codsiyo aan la sii qorsheyn
inaad codsato shaqooyinka aan kaa dalbannay inaad codsato
in aad bil walba inta u dhaxaysa 1-da ilaa iyo 14-ka noo soo gudbiso warbixinta dhaqdhaqaaqa halkaas oo aad buuxineysid dhammaan shaqooyinkii aad codsatay iyo waxyaabihii kale ee aad qabatay.
inaad si wadajir ah noola sameyso qorshe-hawleed ku aaddan sida aad shaqo ku heli kartid
in aad ka qayb qaadato kulammada ama nala soo xiriirto annaga iyo qandaraaslayaasheenna haddii aad leedahay ballan, taleefankana qabato marka aan ku heshiinno inaan ku soo wacno.

Si aadna u dheereyn shaqo la'aantaada, khatarna ugu gelin inaad maalmo badan gunno la’aan noqoto, waxaad sidoo kale u baahan tahay inaad oggolaato

shaqadii laguu soo bandhigo
wareysiyada shaqo, aadna aad ugu dadaasho sidii aad ku heli lahayd shaqo
taageerada dheeriga ah ee aan ku siineyno iyadoo aan barnaamijyo adeegsanayo

Waxaa laguu arki karaa inaad sababtay shaqo la'aantaada, waxaadna khatar ugu jirtaa inaad dhowr maalmood gunno la'aan noqoto haddii aad

In aad adigu iskaa u doorato in aad barnaamij ama shaqo ka tagto sabab la'aan
u dhaqanto si keeneysa in aan barnaamijkaaga joojinno
sabab u noqoto in shaqa bixiyahaagu uu joojiyo shaqadaada

Maxaa dhacaya haddii aanan samayn, waxa ay tahay in aan sameeyo?

Hawlaha Xafiiska shaqada waxaa ka mid ah wargelinta qasnaddaada shaqa la'aanta haddii ay dhacaan wax saameyn kara gunnadaada. Waxaan farriin u direynaa qasnaddaada shaqa la'aanta haddii aadan shaqa raadintaada si fiican u gudan, ama dheereyso ama aad sababto shaqa la'aantaada. Haddii ay qasnaddaada shaqa la'aantu bilowdo baaritaan, way kula soo xiriiriyaan, waxaadna heli doontaa fursad aad ku sharraxdo waxa dhacay, ka hor inta aanay go'aan ka gaarin gunnada.

Waxay qasnaddaada shaqa la'aantu go’aansan kartaa in lagu ganaaxo ama lagaa joojiyo gunnada hal maalin ama in ka badan. Waxay sidoo kale go'aansan karaan in gunnadaada aan la taaban, tusaale ahaan haddii ay u arkaan inaad haysato sabab la aqbali karo.

Tani waxay dhacaysaa haddii aadan shaqo raadintaada si fiican uga soo bixin

Marka ugu horreeya: waxaad heleysaa digniin.
Marka labaad: 1 maalin oo gunno la'aan ah.
Marka saddexaad: 5 maalin oo gunno la’aan ah.
Marka afaraad: 10 maalmood oo gunno la’aan ah.
Marka shanaad: xaqa gunnadu wuu dhamaanayaa ilaa aad ka buuxinayso shuruudo shaqo oo cusub.

Tani waxay dhacaysaa haddii aad kordhiso shaqo la'aantaada

Marka ugu horreeya: 5 maalin oo gunno la’aan ah.
Marka labaad: 10 maalmood oo gunno la’aan ah.
Marka saddexaad: 45 maalin oo gunno la’aan ah.
Marka afaraad: 45 maalin oo gunno la’aan ah.
Marka shanaad: xaqa gunnadu wuu dhamaanayaa ilaa aad ka buuxinayso shuruudo shaqo oo cusub.

Tani waxay dhacaysaa haddii aad keento shaqa la’aantaada

Marka ugu horreeya: 45 maalin oo gunno la’aan ah.
Marka labaad: 45 maalin oo gunno la’aan ah.
Marka saddexaad: Xaqa gunnadu wuu joogsanayaa ilaa aad ka buuxiso shuruudo shaqo oo cusub.

Haddii aan ogaanno wax saamayn kara fursada-haaga ku aaddan shaqa raadinta iyo shaqo qaadashada

Haddii aannu ogaanno in ay jiraan wax kaa xannibi kara inaad codsato iyo inaad qaadato shaqo, waxaannu ku khasbannahay inaannu wargelinno qasnaddaada shaqa la'aanta. Waxay tusaale ahaan waxaasi noqon karaan inaad wax baraneyso, jirrantahay, daryeesho carruur bukta, shirkad leedahay ama aad waddanka dibaddiisa jirtid. Haddii ay khasnadda shaqa la'aantu bilawdo baaritaan, way kula soo xiriiri doonaan ka hor inta aysan gaarin go'aan saameynaya gunnadaada.

Sidoo kale waan u sheegeynaa qasnaddaada shaqa la'aanta haddii aad nagu wargaliso in aad shaqo billawday oo aanad baagamuuddo sii ahayn ama sabab kale awgeed aanad shaqa doon u ahayn. Haddii markaas ka dib aad rabto inaad mar kale codsato shaqo iyo gunno, waxaad u baahantahay inaad na soo wacdo maalinta ugu horreysa ee shaqa la'aantaada. Haddii aad iska saartay Xafiiska shaqada, waxaad u baahan tahay inaad mar kale isku qortid.

Su'aalo iyo jawaabo caadi ah

Imisa shaqo ayey tahay in aan raadsado?

Qorshe hawleedkaaga, waxaad ku yeelan kartaa waxa loo yaqaan raadinta, tusaale ahaan 6-20. Wuxuu sharxayaa inta shaqo kugu haboon ee aad codsan kartid si aad u heshid fursad fiican oo helida shaqo markiiba. Tirada ugu yar ee raadintu waxay sidoo kale sharxaysaa shaqooyinka kugu haboon ee aad u baahan tahay inaad codsatid bilkasta si loo qiimeeyo inaad si joogto ah u raadsatay shaqooyinka.

Xataa haddii aanad lahayn qorshe hawleed ama qorshe hawleedkaagu aanu lahayn raadiye, waxaade u baahan tahay inaad si joogto ah u raadsatid shaqo. Tani macneheedu waa inaad caadiyan codsatid ugu yaraan 6 shaqo oo kugu haboon bishiiba si aan u qiimeyn karno inaad si joogto ah u raadsanaysid shaqooyinka aad ku haboon tahay. Haddii aad shaqeysid hal galin ama sababo kale dartood aanad u shaqeyn labada galin, tani waxay ka dhignaan kartaa in aanad codsan shaqooyin badan.

Haddii aanay jirin shaqooyin kugu haboon oo kugu filan oo aad ka raadsatid meel u dhow halkaad degan tahay, waxa muhiima inaad sidoo kale raadsatid shaqooyinka meelaha kale.

Haddii aad codsatay shaqooyin ka yar inta sare lagu sheegay, waxaanu ogeysiin doonaa shaqo la’aantaada sanduuqa caymiska. Haddii ay tixgaliyaan in aanad si joogto ah u raadsan shaqo kugu haboon, waxay go’aansan karaa digniin ama in lagaa hakiyo magdhowga hal maalin ama dhowr.

Hubi inaad ku qortid dhammaan shaqooyinka aad codsatay warbixintaada: shaqooyinka lasoo xayeysiiyey, raadinta kadiska ah, ama shaqooyinka aanu kugu dhiirigalinay inaad codsatid ama kaaga dignay. Warbixinta dhaqdhaqaaqaaga ayaa muhiim noo ah si aan u qiimeyn karno inaad si firfircoon u raadsatay shaqooyin kugu haboon.

Maxaa loo arkaa shaqo ku habboon?

Shaqooyinka aad u leedahay khibrad ama tababar ayaa kugu haboon inaad codsatid. Shaqooyinka kale ee xirfadahaagu ku haboonaan karaan ayaa sidoo kale kuu qalma. Adoo codsanaya shaqooyinka xirfadaha kala duwan, waxaad kordhin kartaa fursadahaaga helitaanka shaqo. Xasuusnow in ay noqoto shaqo aad u leedahay fursad saxa oo aad ku heli kartid. Shaqooyinka u baahan tababar gaara, heer aqooneed gaara, shuruudo gaara ama shahaadooyin aanad haysan kuguma haboona.

Haddii sababo caafimaad dartood aanad codsan karin ama qaadan karin noocyo shaqooyin gaara, waxaad u baahan tahay inaad ku cadeysid bayaan dhakhtar.

Haddii shaqaaleysiiyahaagu rabo inuu ku shaqaaleysiiyo una maleeyo inaad leedahay xirfadaha saxda ah, waa shaqo kugu haboon. La xidhiidh caymiska shaqo la’aanta haddii lagu siiyo shaqo oo aad ka shakisan tahay inay kugu haboon tahay shaqadu, tusaale ahaan iyadoo ku saleysan deegaanka shaqo ama xaaladaha shaqo. Kadib waxaad go’aan doontaa inay saameynayso magdhowgaaga haddii aad diidid iyo inkale.

Waxaan dhigtaa kooras si aan u kordhiyo fursadahayga shaqo helidda. Waa maxay sababta ay khasab u tahay inaan oggolaasho ka helo qasnadda shaqo la'aanta?

Asal ahaan wuxuu xeerku qabaa inaadan waxbaran karin isla markaasna gunno ka qaadan karin qasnadda shaqa la'aanta. Waxaa jira waxyaabo qiil loo heli karo, had iyo jeerna waa qasnadda shaqa la'aanta cidda go'aan ka gaareysa inaad qaadan karto gunnadaada markaad waxbaranayso in kale. Sidaa darteed waa muhiim inaad la xiriirto qasnaddaada shaqa la'aanta inta aanad koorso ama waxbarasho bilaabin ka hor. Tani waxay khusaysaa nooc kasta oo waxbarasho ah iyadoon la eegeyn, inta wakhtiya ee aad gelineyso, iyo in la dhiganaayo maalintii, fiidkii ama sabtida iyo axadda. Haddii uu Xafiiska shaqada ogaado inaad wax baranayso oo aanu hayn xog sheegeysa in khasnadda shaqa la'aanta ay waxbarashada kuu oggolaatay, waa in aan khasnadda shaqa la'aanta u sheegnaa waxbarashada.

Haddii laguu oggolaado inaad waxbarato adigoo gunno ka qaadanaya qasnadda shaqa la'aanta, waa inaanay waxbarashadu saamayn ku yeelan shaqa raadintaada. Waa inaad sidoo kale diyaar u tahay inaad joojiso waxbarashadaada haddii aad shaqo hesho.

Waxaan helay shaqo cusub laakiin weli ma billaabin. Ma khasabbaa inaan sii wado raadinta shaqooyin kale?

Ilaa inta aad shaqa la'aan tahay oo aad gunno ka rabto qasnadda shaqa la'aanta, waa inaad sii waddaa firfircoonidaada oo shaqo raadisaa. Tani waa mid ka mid ah shuruudaha caymiska shaqa la'aanta. Waxaad markaas raadin kartaa shaqooyin ku meel gaar ah.

Haddii aad haysatid heshiis shaqo cusub oo aad bilaabaysid dhawaan, tani waxay noqon kartaa sabab la aqbali karo oo aad ku diidid shaqo kale ama aanad ku codsan shaqo aan kugu dhiirigalinay inaad codsatid. La xidhiidh sanduuqa caymiskaaga shaqo la’aanta wixii khuseeya kiiskaga. Xasuusnow inaad sii wadid raadinta shaqo iskaa. Sidoo kale ogeysii Wakaalada Shaqaaleysiinta inaad heshay shaqo cusub.

Koontaroolidda shaqooyinka la codsaday

Waxaan mararka qaarkood sameynaa koontarool, si aan u hubinno inaad codsatay shaqooyinka aad ku soo bandhigtay warbixintaada dhaqdhaqaaqa. Sidaa darteed waa muhiim inaad kaydsato dukumeenti muujin kara inaad codsatay shaqooyinka.

Ku saabsan xaqiijinta shaqooyin la codsaday

Gunnda ka timaada qasnadda shaqa la'aanta

Marka aad shaqo la'aan tahay, waxaad fursad u heli kartaa in aad gunno ka hesho caymiska shaqa la'aanta inta aad shaqo raadsaneysid. Gunnada waxaad ka dalbanaysaa qasnaddaada shaqo la'aanta. Halkan ayaad ka akhrisan kartaa sida aad u codsaneysid, waxa loo baahanyahay si loo helo gunnada iyo inta lacag ah ee aad heli karto.

Gunno ka timaada qasnadda shaqa la'aanta