ካሕሳ መትከል እግሪ
ካሕሳ መትከል እግሪ (etableringsersättning) ኣብ መደብ መትከል እግሪ (etableringsprogrammet) ንምስታፍ ውሳነ እንትቕበሉ ካብ ኤጀንሲ ማሕበራዊ ውሕስነት ሽወደን (Försäkringskassan) ከመልክቱዎ ዝኽእሉ ገንዘብ እዩ። ካልኦት ጥቕማጥቕምታት እውን ናይ ምርካብ መሰል ክህልዎም ይኽእል እዩ።
ንካሕሳ ከመይ ከመልክቱ ይኽእሉ
ኣብ መደብ መትከል እግሪ ንምስታፍ ውሳነ ምስተቐበሉ፣ ንካሕሳ መትከል እግሪ ካብ ኤጀንሲ ማሕበራዊ ውሕስነት ሽወደን ከመልክቱ ይኽእሉ እዮም። ብሓደ ግዘ ናይ ሓደ ወርሒ እቲ ወርሒ ምስተወደአ የመልክቱ። ንምምልካት እቲ ዝቐለለ መንገዲ ኣብ ዌብሳይት ኤጀንሲ ማሕበራዊ ውሕስነት ሽወደን እዩ። ኣብኡ ብዛዕባ ከመይ ከም ዝምልከት ዝበለፀ ከንብቡ እውን ይኽእሉ እዮም።
ካሕሳ እንትህልዎም ምፍላጥ ኣገዳሲ እዩ
ኣብ መደባት እንትሳተፉ ንሓደ ወይ ካብኡ ንላዕሊ መዓልታት ካብ ካሕሳ ናይ ምእጋድ ስግኣት ንዘይምእታው ቅድመ ኹነታት ከኽብሩ ኣለዎም።
ብካሕሳ ክንደይ ዝኣክል ይቕበሉ
ኣብ እዋን እቲ ገምጋም ኣብ መዓልቲ 231 ክሮነር ይቕበሉ። ነቲ ገምጋም ምስ ወድኡን ትልሞም ንምትላም ምሳና ምስ ስረሑን ኣብ መዓልቲ 308 ክሮነር ይቕበሉ። ኣብ መደብ መትከል እግሪ ንዝተሳተፍሉ ሕድሕድ መዓልቲ ገንዘብ ንምርካብ ከመልክቱ ይኽእሉ እዮም። ዝተፈላልዩ ድጎማታት ናይ ምርካብ መሰል እውን ክህልዎም ይኽእል እዩ። ኣብ ዌብሳይት ኤጀንሲ ማሕበራዊ ውሕስነት ሽወደን ብዛዕባ ክንደይ ዝኣክል ገንዘብ ከም ዝረኽቡ ከንብቡ ይኽእሉ እዮም።
እቲ ካሕሳ ብከመይ ከም ይኽፈል
ኣብቲ መደብ ኣብ ዝተሳተፍሉ ድሕሪ ሕድሕድ ወርሒ ናብ ኤጀንሲ ማሕበራዊ ውሕስነት ሽወደን ንካሕሳ የመልክቱ። እቲ ገንዘብ ብውዙፍ እዩ ዝኽፈል።
ኣብቲ ወርሒ ኣብ መንጎ ዕለት 1ን 7ን የመልክቱ፣ ኤጀንሲ ማሕበራዊ ውሕስነት ሽወደን ድማ ኣብ ተመሳሳሊ ወርሒ ኣብ መበል 26 ዕለት ክፍሊት ይፍፅም።
ካብ ዕለት 7 ብምድንጓይ እንተመልኪቶም ካሕስኦም ካብ ዝቕፅል ወርሒ ዕለት 26 ብዝቐደመ ኣይኽፈልን። ክሳብ መወዳእታ እቲ ወርሒ እንተዘየመልኪቶም ናይ ዝሓለፈ ወርሒ ካሕስኦም ክስእኑ ይኽእሉ እዮም።