Taageerada hawlqabadka iyo gunnada horumarka

Marka aad tahay shaqaraadis ee aad ka qaybqaadanayso wax ka mid ah taageerooyinkayaga iyo barnaamijyadayada, waxaad Qasnadda Caymiska (Försäkringskassan) ka heli kartaa gunno muddadaas dhexdeeda. Lacagta aad helayso waxaa lagu magacaabaa taageerada hawlqabadka (aktivitetsstöd) ama gunnada horumarka (utvecklingsersättning).

Sidan ayaad u dalbanaysaa gunnada

Marka aad hesho go’aan ku saabsan in aad ka qaybgalayso barnaamijyadayada midkood, waxaad gunno ka codsanaysaa Qasnadda Caymiska (Försäkringskassan). Waxaad u dalbanaysaa bil bil ahaan oo dibmaris ah. Waxaa ugu fudud in aad ka dalbato bogga Qasnada Caymiska. Halkaa waxaad ka akhrisan kartaa wax dheeraad ah oo ku saabsan sida aad u dalbanayso.

Gunno ka dalbo Qasnadda Caymiska (forsakringskassan.se)

Waa muhiim in aad garato marka aad leedahay gunno

Marka aad ka qaybqaadanayso barnaamij, waa in aad raacdo shuruudaha si aanay kuugu dhicin in lagaa xayiro gunnada hal maalin ama maalmo badan.

Shuruudda ku xiran in gunno lagu qaato barnaamij

Intan ayaad u helaysaa gunno ahaan

Waxaad gunnada ka dalbanaysaa Qasnadda Caymiska bil kasta oo aad ka qaybqaadatay barnaamijka. Lacagta waxaa laguugu soo shubayaa, dib maris ahaan.

Dalbo inta u dhaxaysa 1 iyo 7 bisha, markaa Qasnadda Caymisku waxay kuu soo diraysaa lacagta 26ka isla bishaas.

Haddii aad soo dalbato 7da bisha ka dib, waxaa gunnadaada la soo shubayaa bisha dambe 26keeda. Haddii aad soo dalban waydo inta aanay bishu dhammaan, waxaad khatar ugu jirtaa in aad khasaarto gunnada bishii hore.

Gunno ka dalbo Qasnadda Caymiska (forsakringskassan.se)

Marka lacagta la bixiyo

Waxaad codsatay lacag celin aad ka dalbatay Wakaalada Caymiska Bulshada Iswiidhishka ah (Försäkringskassan) kadib bil kasta oo aad ka qeybqaadatay barnaamijka. Lacagtu waxay ahayd mid aan la bixin oo dib dhacday.

Codso inta u dhaxaysa 1-da iyo 7-da bisha oo ay Wakaalada Caymiska Bulshada Iswiidhishka ah lacagta bixin doonto 26-ka isla bishaas.

Haddii aad codsato wax ka dambeeya 7-da, kabkaaga lama bixin doono ilaa 26-ka bisha soo socota ugu horrayn. Haddii aadan codsan ka hor dhammaadka bisha, waxaad halis u tahay inaad lumiso dheeftaada bishii hore.

Codso magdhawga kaaga iman kara Wakaalada Caymiska Bulshada Iswiidhishka ah (forsakringskassan.se)

Su’aalaha soo noqnqoda iyo jawaabahooda

Haa, waad shaqaysan kartaa marka aad ka qaybqaadanayso barnaamij. Markaa waxaa gunnadaada laga dhimi doonaa inta aad mushaharka u hesho in le´eg.

Haddii aad ka qaybqaadanayso barnaamijka wakhti aan buuxin, waxaa gunnada la dhimayaa uun, haddii wakhtigaaga shaqo iyo barnaamijka oo la isku daray ay ka bataan wakhti buuxa.Qasnadda Caymiska ayaa xisaabinaysa gunnadaada.

Gunnada marka aad ka qaybqaadanayso barnaamij (forsakringskassan.se)

Maskaxda ku hay in aad soo wargeliso Xafiiska Shaqada (Arbetsförmedlingen) haddii aad shaqo hesho.

Haa, waad qaadan kartaa lacagta waalidnimada marka aad ka qaybqaadanayso barnaamij. Markaa waxaa gunnadaada laga dhimi doonaa inta aad lacagta waalidnimada u hesho in le´eg. Qasnadda Caymiska ayaa xisaabinaysa taas.

Gunnada marka aad ka qaybqaadanayso barnaamij (forsakringskassan.se)

Caymisyada kala duwani, waxay leeyihiin shuruudo kala duwan. La xiriir ururkaaga shaqaalaha ama shirkadda caymiska ee aad ka hesho caymiskaaga dakhliga si aad u ogaato sida ay wax noqonayaan marka aad ka qaybqaadanayso barnaamij ka socda Xafiiska Shaqada.