Sidan ayaan u qiimeyneynaa sida aad degdeg shaqo ugu heli kartid iyo taageerada aad u baahantahay

Marka aad isku qortid Xafiiska shaqada (Arbetsförmedlingen) waxaan qiimeyn ku sameyneynaa sida aad shaqo dhakhso ugu heli kartid iyo taageerada aad u baahantihid. Waxaan adeegsaneynaa tirakoob taageero qiimeyn ahaan. Waa maareyn ootomaatig ah oo lagu sameynayo macluumaadka shakhsiga ah, waxayna ku dhisantahay macluumaadkii aad noo soo gudbisay. Ulajeeddadu waa in lagaa caawiyo in aad shaqo u heshid sida ugu dhakhso badan ee suurta gal ah.

Halkan ayaad ka akhrisan kartaa wax dheeraad ah oo ku aaddan tirakoobka taageerada qiimeynta.

Muxuu yahay macluumaadka aan adeegsaneyno?

Waxaan marka aan si ootomaatig ah wax u qiimeyneyno adeegsaneynaa macluumaadka aad isku qortay iyo macluumaad kale oo adiga kugu saabsan oo nidaamkeenna ku jira. Waxay noqon karaan waqtiga is qorista, waxbarashada, da’da iyo duruufaha aagga aad deggantahay. Tusaale ahaan in aad waqti dheer ku qornaatid xafiiska shaqada ,wuxuu muujinayaa in aad ka fogtahay suuqa shaqada. Maareynta waxaa loogu yeeraa muujinta dhinacyada kala duduwan ee qofka, waxayna sharci ahaan ka dhigantahay in si ootomaatig ah maareyn loogu sameynayo macluumaadka qof ahaaneed si loo sameeyo qiimeyn, loona saadaaliyo sifooyin go’an oo qof ahaaneed.

Xafiiska shaqadu wuxuu xitaa macluumaad ka soo qaadan karayaa hey’ado kale oo dowladeed, tusaale ahaan Laanta socdaalka.

Waa kuwan macluumaadka aan adeegsaneyno

Dalka lagu dhashay
Gobolka
Lambarka boostada
Degmada
Heerka waxbarasho
Jihada waxbarasho
Kooxaha xirfada ee la raadiyay (ilaa iyo 4 xabo)
Da’da
Jinsiga
Qasnadda shaqo la’aanta ee laga tirsanyahay
Bisha la is diiwaan geliyay
Tirada ayaamaha qofku diiwaan gashanaa intii lagu jiray wakhtigii hore ee diiwaan gelinta
Tirada ayaamaha ka soo wareegtay ka dib marka qofku diiwaan gashanaa muddadi hore
Tirada ayaamaha ee qofku helay caawimaadyo intii lagu jiray wakhtiyadi hore ee la diiwaan gashanaa
Nooca barnaamijyada kala duwan ee qofku ka soo qayb-qaatay wakhtiyadi hore
Wakhtiyadi la diiwaan gasshanaa
Nooca hoos u dhaca awooda laxaadka
Macluumaadka kale ee aan ahayn macluumaad shakhsi laakiin xitaa loo isticmaalo taageerada qiimeynta
Macluumaadka tirakoobka SCB
Heerka shaqo la’aanta ee aaga lambarka boosta
Dakhliga cel-celis ahaan ee aaga lambarka boosta
Heerka waxbarasho ee aaga lambarka boosta
U kala qaybsanaanta dalka loo dhashay ee aaga boosta
Tirada guryaha qof keliya ku noolyahay ee aaga boosta

Baahida aad taageero u qabtid

Wuxuu Xafiiska shaqadu u arkay in macluumaadkaas ay khuseeyaan si loo caddeeyo masaafada aad suuqa dhaqada u jirtid iyo sida aad degdeg shaqo ugu heli kartid iyo taageerada aad u baahantahay. Waxaan adeegsaneynaa taageerada qiimeynta tirakoobka ah si aan u kala saarno haddii wax ka mid ah labada adeeg ee soo socda ay ku siin karaan taageero sax ah: adeegga diyaarin iyo shaqo la raadin iyo adeegga taageero iyo shaqo la raadin.

Diyaarin iyo shaqo la raadin waxay khuseeyaan adigaaga deggan mid ka mid ah 85 degmo ee soo socda

Västerås: Arboga, Hallstahammar, Kungsör, Köping, Sala, Surahammar, Västerås

Umeå: Bjurholm, Nordmaling, Robertsfors, Umeå, Vindeln, Vännäs

Trollhättan: Färgelanda,Grästorp, Lysekil, Mellerud, Munkedal, Sotenäs, Trollhättan, Uddevalla, Vänersborg

Oskarshamn: Högsby, Mönsterås, Oskarshamn

Blekinge: Karlshamn, Karlskrona, Olofström, Ronneby

Lidköping:Götene, Lidköping, Vara

Eda: Eda

Eskilstuna: Eskilstuna, Vingåker, Flen, Katrineholm

Fagersta: Skinnskatteberg, Norberg, Fagersta

Filipstad: Filipstad

Gotland: Gotland

Hagfors: Hagfors

Hällefors: Hällefors

Karlskoga: Storfors, Degerfors och Karlskoga

Karlstad: Kil, Hammarö, Munkfors, Forshaga, Grums, Sunne, Karlstad, Kristinehamn, Arvika, Åmål, Säffle

Kristianstad: Östra Göinge, Kristianstad, Hässleholm, Sölvesborg och Bromölla

Torsby: Torsby

Årjäng: Årjäng

Örebro: Lekeberg, Laxå, Hallsberg, Örebro, Kumla, Askersund, Nora och Lindesberg

Östergötland: Kinda, Åtvidaberg, Linköping, Finspång, Valdemarsvik, Norrköping, Söderköping, Ödeshög, Boxholm, Mjölby, Motala och Vadstena

Haddii aadan degganeyn mid ka mid ah degmooyinkaas waxaa markaas ku khuseeya taageero iyo shaqo la raadin.

Saddex qeybood oo ku jira adeegga diyaarinta iyo shaqo la raadinta

  • Waxaa loo arkaa in aad baahi yar u qabtid taageero oo aad isku filantahay adigoo tusaale ahaan kaashanaya adeegyada dijitaalka ee Xafiiska shaqada.
  • Waxaad u baahantahay taageero dheeraad ah si aad shaqo u heshid ama u billawdid waxbarasho.
  • Waxaad u baahantahay taageero qoto dheer oo uu Xafiiska shaqadu sii baari doono.

Laba qeybood oo ku jira adeegga taageero iyo shaqo la raadin

  • Waxaa loo arkaa in aad baahi yar u qabtid taageero oo aad isku filantahay adigoo tusaale ahaan kaashanaya adeegyada dijitaalka ee Xafiiska shaqada.
  • Waxaad u baahantahay taageero dheeraad ah si aad shaqo u heshid ama u billawdid waxbarasho.

Taageerada adiga kugu habboon

Xafiiska shaqadu qiimeyn ayuu dabadeed sameynayaa isagoo ka duulaya macluumaadka aan kaa hayno oo dhan, wuxuuna gaarayaa go’aan. Natiijada teegeerada qiimeynta tirakoobka iyo kala saar-saariddu waxa ay gundhig yihiin oo keliya inta aanan go’aan ka gaarin taageerada aad u baahantahay.

Macluumaadkaagu waa ay ilaashanyihiin

Macluumaadka aad u gudbineysid Xafiiska shaqadu waxay soo gelayaan sirta la qariyo oo waxaa tusaale ahaan loo maareynayaa si waafaqsan xeerka ilaalinta macluumaadka ee (GDPR). Macluumaadka kugu saabsan waa la baabi’in doonaa saddex sano ka dib marka ay dhammaato baahida arrinkaaga loo qabo. Macluumaadkii gooni loo soocay si loo soo saaray tirakoob waxaa la baabi’inayaa toban sano soocitaanka ka dib. Macluumaadka waxaa maareyn kara oo keliya shaqaale ehel u ah.

Taageerada adiga kugu fiican

Iyadoo aanay khuseyn qaybta lagugu meeleeyay waxaad adigu markastab la kulmi doontaa xiriiriyaha Xafiiska Shaqada. Xafiiska Shaqada ayaa sameynaya qiimeyn ku salaysan dhamaan macluumaadka aanu hayno ee kugu saabsan oo ka dib gaari doonta go’aanka ku saabsan taageero.
Muuqaaleyntan oo ay weheliso qaybta waxa keliya oo ay ahaan doontaa gogol-dhiga go’aanka ku saabsan taageero.

Macluumaadkaagu waa kuwa la ilaaliyay

Macluumaadka aad u dhiibto Xafiiska Shaqada waxaa khuseeya xog qarinta shaqada oo waxaa loo maareynayaa si waafaqsan nidaamka ilaalinta macluumaadka (GDPR). Macluumaadka kugu saabsan waa la masaxayaa ugu dambeyn saddex sanno ka dib marka laga joogo sannadkii maareynta macluumaadkan lagu dhamaystiray arintaada dhanka Xafiiska Shaqada. Macluumaadka shakhsiga ah ee si gaar ah loogu talogalay ujeedo tirakoob waxaa la masaxi doonaa tobban sano ka dib marka la dhamaystiray. Macluumaadkan waxa keliya oo gacanta ku hayn kara shaqaalaha loo oggolyahay oo waxaanu keydinaynaa ugu badnaan saddex sano.

Macluumaad dheeraad ah

Dhammaan maareynta macluumaadku waa in ay ku saleysantahay xeerarka macluumaadka shakhsiga ah. Wuxuu Xafiiska shaqadu sameynayaa muujinta waxa uu qofku yahay isagoo kaashanaya xeerka aasaasiga ah ee ’’danta guud’’ iyo ’’adeegsashada awoodda sargaalnimo’’. Waxa keliya ee looga golleeyahay maareynta macluumaadku waa in kiiska la maamulo.

Muujinta qofku (profilering) waxa uu yahay waxaa sharci ahaan looga golleeyahay maareyn ootomaatig ah oo macluumaadka shakhsiga ah oo la adeegsanayo si loo qiimeeyo sifooyinka qof ahaaneed ee qofka, gaar ahaan si loo lafa guro ama loo saadaaliyo tusaale ahaan xaaladda dhaqaale, waxyaabaha uu qofku door bidayo, daneynta, habdhaqanka ama xaafadda meesha uu qofku degganyahay.

Halkan waxaa ku jira macluumaad dheeraad ah oo ku aaddan sida uu Xafiiska shaqadu u maareynayo macluumaadkaaga shakhsiga ah iyo xuquuqda aad leedahay adigaaga la diiwaan geliyay.

Sidan ayaanu u maareynaa macluumaadkaaga shakhsiga ah