Introduktionsjobb

ናብ ዕዳጋ ስራሕ ንምእታው ሓገዝ ከድልየካ ከሎ ነቲ መላለዪ ስራሕ ምስ ነቲ ዘሎካ ብቕዓትን ናይ መሃብቲ ስራሕ ጠለባትን ዘሓይል ትምህርትታት ብሓባር ክትገብሮ ትኽእል ኢኻ።

እንታይ

ሓደ Introduktionsjobb ፡ ሓደ ስራሕ ኣብ ግላዊ ወይ መንግስታዊ ወሃብ ስራሕ ኾይኑ ናብ ናይ ስራሕ ሂወት ንኽትኣቱ ዕድል ትረኽበሉ እዩ። እቲ ስራሕ ዝቘጽረካ ማዕረ ማዕሪኡ ሓደ ቍጠባዊ ሓገዝ ይረክብ እዩ።

ሓደ መላለዪ ስራሕ፡ ቀዋሚ ስራሕ ወይ ናይ ግዜ ገደብ ዘለዎ ስራሕ ክኸውን ይኽእል እዩ። ከምኡ’ውን ቀዋሚ ዝጐደለ ዓቕሚ ስራሕ እንተ’ለካ ኾይኑ፡ ብኽፋል ግዜ መላለዪ ስራሕ ክህልወካ ይኽእል እዩ።

መብዛሕትኡ ግዜ መላለዪ ስራሕ ምስ ትምህርቲ ብሓባር ክትገብሮ ትኽእል ኢኻ። ንኣብነት ናብ ሞያ ዘተኾረ ትምህርቲ፡ ናይ ካልኣይ ደረጃ ወረቐት ምስክር ንምርካብ ናይ ካልኣይ ደረጃ ትምህርቲ፡ ናይ ሽወደንኛ ትምህርቲ ወይ ካልእ ተቐባልነት ዘለዎ ናይ መመላእታ ትምህርቲ።

ሓደ ናይ መላለዪ ስራሕ ን12 ኣዋርሕ ዝኣክል ክህልወካ ይኽእል እዩ። ቀጻሊ ደገፍ የድልዮ እዩ ኢልና እንተ ገምጊምና፡ እቲ መላለዪ ስራሕ እንተ ነውሐ ብድምር ን36 ኣዋርሕ ክናዋሕ ይኽእል እዩ።

ንመን

እቲ መላለዪ ስራሕ ንዓኻ ንነዊሕ ግዜ ስራሕ ኣልቦ ዝነበርኻ ወይ ናብ ሽወደን ሓድሽ መጻኢ ዝኾንካ እዩ። ኣባና ከም ደላይ ስራሕ ዝተመዝገብካ ክትከውን የድልየክ። ከምኡ’ውን ገለ ካብ’ዞም ዝስዕቡ ከተማልእ የድልየካ፦

  • ኣብ jobb- och utvecklingsgarantin ትሳተፍ ኣሎኻ።
  • 20 ዓመት ዝመላእካን ኣብ jobbgarantin för ungdomar እንተ ወሓደ ን200 መዓልታት ተሳቲፍካ ዝነበርካን ኢኻ።
  • ሓድሽ መጻኢ፡ ዕድሜ 20 ዓመት ዝመላእካ ኢኻ ከምኡ’ውን ኣብ etableringsprogrammet ትሳተፍ ዘሎኻ ወይ ኣብ ገለ እዋን ኣብዘን ዝሓለፋ12 ኣዋርሕ ኣብ etableringsprogrammet ተሳቲፍካ ዝነበርካ ኢኻ።
  • ሓድሽ መጻኢ፡ ዕድሜኻ 20 ዓመት ዝመላእካ፡ ሓደ ዝቕጽል ዘሎ etableringsplan ዘሎካን ኢኻ፡ ወይ ውሽጢ እዘን ዝሓለፋ 12 ኣዋርሕ ነቲ ናትካ etableringsplan ዝወዳእካ ኢኻ።
  • ኣብ ቀረባ ግዜ ዝመጻእካ፡ 20 ዓመት ዝመላእካን ኣብ ውሽጢ እዘን ዝሓለፉ 36 ኣዋርሕ ከም መቕርብ ናይ ሓደ ናይ ኤውሮጳዊ ሕብረት ወይ ናይ ኤውሮጳ ቑጠባዊ ሕብረት (EU/EEA) ዜጋ ናይ መንበሪ ፍቓድ ወረቐት ወይ ናይ መንበሪ ወረቐት ፍቓድ ዝረኸብካ ኢኻ።

ብኸምዚ ይሰርሕ።

  • ንሕና ምሳኻን ምስ’ቲ ወሃቢ ስራሕን ብሓባር ኴንና ኢና፡ ሓደ ናይ ስራሕ ቦታ ንዓኻ ብቑዕ እንተ ኾይኑን ኣየኖት ዕማማት ንዓኻ ከም ዝሰማምዑን ግምገማ ንገብር።
  • ምሳኻን ምስቲ ወሃብ ስራሕን ሓደ ውዕል ንጽሕፍን ምስ ማሕበር ሰራሕተኛታት ንማኸርን ኢና። ኣብቲ ስምምዕ ንስኻ ኣየኖት ዕማማት ከም ዝህልዉኻን እንታይ ዓይነት ደገፍን መምርሒን ከምዘድልየካን ሰፊሩ ኣሎ።

    ማዕረ ማዕረ እቲ ስራሕ ትምሃር እንተ ዄንካ፡ እዚ እውን ኣብቲ ውዕል ክግለጽ ኣሎዎ።
  • ድሕሪኡ እቲ ወሃቢ ስራሕ ንኽትጅምርን እቲ ዘድልየካ መምርሒ ከም ዝወሃበካን ሓላፍነት ይወስድ።

ደሞዝ

ኣብቲ ናይ ውሃብ ስራሕ ናይ ሓባር ውዕል ዘለዉ፡ ወይ ምስቲ ናይቲ ሞያ ደረጃ ደሞዝ ማዕረ ዝኾነ ደሞዝን ናይ ስራሕ ረብሓታትን ንምርካብ መሰል ኣሎካ። ይኹን እምበር ሓደ መላለዪ ስራሕ ካብ ኣ-ካሳ ክፍሊት ናይ ምርካብ መሰል ኣይህብን እዩ።

ሓለዋ መቝጸርቲ-ስራሕ

በቲ ናይቲ ሞያ ናይ ሓባር ውዕል ዝቘጻጸር ናይ ስራሕ ውሕስነት እቱው ኢኻ፡ ግን ሕጊ ውሕስነት ስራሕ (LAS)ኣብ መላለዪ ስራሕ ኣየገልግልን እዩ።

ከምዚ ጌርካ ቀጻሊ ስጕምቲ ትወስድ

ምሳና ርክብ ግበር

እቲ ደገፍ ስራሕ ናይ ምርካብ ዕድልካ ስለምንታይ ከዕብዮ ከም ዝኽእል ምክንያት ንምሃብ ተቐራረብ።

እቲ ውሳነ

ብሓባር ኴንና ብዅነታትካ ንምርምሮ። ሓደ መራኸቢ ስራሕ እቲ ደገፍ ስራሕ ንምርካብ ዘሎካ ዕድል ንኽዓቢ ጽቡቕ ኣገባብ እንተ ኾይኑ ይግምግሞ።

ውሳነ

ኣየናይ ደገፍ ከም ነወፍየልካ እቲ ናትካ ኵነታት ከመይ ከም ዝመስል እዩ ዝውስኖ። ሓደ ደገፍ ንምርካብ መን መሰል ከም ዘለዎ ኣብ መጠረሽታ ብመንግስቲ እዩ ዝውሰን።