Introduktion till arbete

ስራሕ ከተናዲ ወይ ትምህርቲ ክትጅምር ገና ድልው እንተ ዘይኮይንካ፣ ብመገዲ ወፈያ መዳለዊ ስራሕ ደገፍ ክትረክብ ትኽእል ኢኻ።

እንታይ

ብሰንኪ ንነዊሕ እዋን ካብ ስራሕ ዓለም ምእላይ ኣብ ምስራሕ ዘለካ ዓቕሚ ርግጸኛ እንተ ዘይኮይንካ፤ ብመገዲ ወፈያ መዳለዊ ስራሕ ደገፍ ክትረክብ ትኽእል ኢኻ። እቲ ዕላማ ደገፍን ምክትታላትን እንዳተገበረልካ ከሎ ጐድኒ-ጐድኒኡ ድማ ስራሕ ክትፍትን’ዩ።

ኣብ’ቲ ቀዳማይ ደረጃ ምልላይ-ስራሕ፣ ክእለትካ ብምድህሳስን ዝሰማማዓካ ዓውደ ሞያ ብምንዳይን ቀስብቐስ ድማ ናይ ስራሕ ዓቕምኻ ክብ ንከተብሎ ተኽእሎታት ይወሃበካ። ድሕሪ እቲ ድህሰሳ ድማ ወይ ነቶም መራሕቲ መንገድን መዳለውትን ዝኾኑ ወፈያታት ትቕጽሎም ወይ ድማ ስራሕ ትፍትን። ኣብ እዋን እቲ ወፈያ ኣብ ንጥፈታትን ኣስተምህሮ ጥዕናን ክትሳተፍ ኢኻ። ከምኡ’ውን መዓልታዊ ህይወትን ስራሕን ንምስናይ ብኸመይ ከም ትወዳድብን ትሰርዕን ደገፍ ክትረክብ ትኽእል ኢኻ።

ንመን

እቲ ደፈፍ ንዓኻ ንነዊሕ እዋን ካብ ስራሕ ዓለም ተኣሊኻ ዝነበርካን ብዛዕባ ዓቕምኻን እንታይ ዓይነት ስራሕ ከምዝሰማማዓካ ርግጸኛ ዘይኮንካን ይምልከት።

ብኸምዚ’ዩ ይሰርሕ

  • ፈለማ እቲ ወፈያ መዳለዊ ስራሕ የድልየካ ድዩ ኣየድልየካን ውሳነ ክንውስን ኢና።
  • ቀቅድሚ ምጅማሩ ድማ፣ ምስ’ቲ ወፈያ ዘቕርብ ትካል ሓቢርና መደብ ነውጽእ። እቲ ወፈያ ዘቕርብ ትካል ንዓኻ ዘድልዩኻ ነገራትን ደገፋትን ንምፍላጥ ዳህሳስ የካይድ።
  • ሰዓታት ናይ’ቲ ወፈያ ንዓኻ ብዝሰማማዓካ መንገዲ ይከናወን።

ኣብ’ቲ እዋን ወፈያ ዕብየትካን እቶም ንጥፈታት ከመይ ይኸዱ ከም ዘለዉን ንምክትታት ቐጻሊ ዝኾነ ዝርርባት ነካይድ።

መድሕን(ኢንሹራንስ)

ኣብ’ቲ ምልላይ-ስራሕ ክትሳተፍ ከለኻ ብመድሕን ውልቃዊ መጒዳእትን ብመድሕን ጒጅለኣዊ ህይወትን ውሕስነት ኣለካ።

ከምዚ ጌርካ ቀጻሊ ስጕምቲ ትወስድ

ምሳና ርክብ ግበር

እቲ ደገፍ ስራሕ ናይ ምርካብ ዕድልካ ስለምንታይ ከዕብዮ ከም ዝኽእል ምክንያት ንምሃብ ተቐራረብ።

እቲ ውሳነ

ብሓባር ኴንና ብዅነታትካ ንምርምሮ። ሓደ መራኸቢ ስራሕ እቲ ደገፍ ስራሕ ንምርካብ ዘሎካ ዕድል ንኽዓቢ ጽቡቕ ኣገባብ እንተ ኾይኑ ይግምግሞ።

ውሳነ

ኣየናይ ደገፍ ከም ነወፍየልካ እቲ ናትካ ኵነታት ከመይ ከም ዝመስል እዩ ዝውስኖ። ሓደ ደገፍ ንምርካብ መን መሰል ከም ዘለዎ ኣብ መጠረሽታ ብመንግስቲ እዩ ዝውሰን።

ካልእ ተወሳኺ ደገፋት