መሰላትካን ግዴታትካን

ነዚ ክትገብር ኣለካ

• ከመይ ገይርካ ስራሕ ከም ትደሊ ምሳና ሓቢርካ ምምኻር
• ነጢፍካ ስራሕ ምድላይ።እቶም ትደልዮም ስራሕ ኣብ ምልክታ-ስራሕ ዝወጹን ቤ/ጽ ዕዮ ከተመልክቶም ዝሓበረካ ወይ ኣንፈት ዝሃበካ ስራሕ ክኾኑ ይኽእሉ።ንኣስራሕቲ’ውን ናይ ስራሕ ድሌት ምልክታታት ወይ ሲቪ(cv) ክትልእኸሎም ትኽእል ኢኻ።
• ወርሒ ወርሒ ንጥፈታዊ ጸብጻብ ኣብ እዋኑ ሃበና።
• ኣብ’ቶም ዝተመደቡ ርክባት ወይ ኣኼባታት ተሳተፍ።ንኸይትሳተፍ ገለ እንተ ዓንቂጹካ ድማ ሓብር።ምስ’ተን ኣገልግሎት ዝህባ ምሳና ውዕል ዘለወን ትካላት’ውን እንተኾነ ምዱብ ኣኼባ ወይ ርክብ እንተለካ ከምኡ።
• ተሌፎን ክንድውለልካ ምስ ንሰማማዕ ድሉው ክትኸውን ኣለካ።
• ነቶም ዝተወከስናካ ስራሕ ወይ ትምህርትታት ኣመልክተሎም።
• ነቶም ምሳኻ ይኸዱ እዮም ንብሎም ስራሕን ይኹን ነቶም መደባት ናይ ፖሊሲ ዕዳጋ-ስራሕ ወይ ተወሳኺ ደገፋት፡ሕራይ ኢልካ ተቐበሎም።
• ሓደ ትካል ትምህርቲ ክትመሃር ምስ ዝቕበለካን ንሕና’ውን ነታ ዝተቐበለካ ምህሮ ከተመልክታ ሓቲትናካ ምስ ንነብር፡ሕራይ ኢልካ ተቐበላ።
• ኣብ’ቶም ቤ/ጽ ዕዮ ዘዳልዎም መደባት(ፕሮግራማት) ብምስታፍካ ንጥፈታዊ ክፍሊት ገንዘብ፡ ክፍሊት መትከሊ-እግሪ ወይ ዕብየታዊ ክፍሊት ገንዘብ ምስ ዝወሃበካን ኣብ’ቶም ዝመደብናዮም ንጥፈታት ክትሳተፍ ምስ ዘይትክእል፡ብኲሪትካ ክትሕብር ኣለካ።
• ኣብ’ቲ ዝሃብካዮ ንጥፈታዊ ጸብጻብ ሰፊሮም ዘለዉ ዘናደኻዮም ስራሕ፡ብሓቂ ከም ዘናደኻዮም መረጋገጺ ሃበና ምስ ንብለካ፡መረጋገጺ ክትህበና ድሉው ክትኸውን ኣለካ።
• ምሳና መራኸቢ ዝኾኑ ውልቃውያን ሓበሬታትካ ከም ኣድራሻኻ፡ኢሜልካ ወይ ተሌፎንካ ምስ ትቕይር፡ክትሕብረና ኣለካ።ቤ/ጽ ዕዮ ደብዳቤ ክልእኸልካ ከሎ ናብ’ቲ ኣብ ሃገራዊ መዝገብ ተመዝጊቡ ዘሎ ኣድራሻ ይልእኾ።
• ንኦ-ካስ(ካሳ ስራሕ ኣልቦነት) ወይ ንቤ/ጽ ማሕበራዊ መድህን(ፈርሸክሪን ካሳን) ቅኑዕ ሓበሬታታት ሃብ።

እቲ ክትገብሮ ዘለካ ምስ ዘይትገብሮ እንታይ የጋጥም?

ነቲ ክትገብሮ ዘለካ ምስ ዘይትገብሮ ወይ መጠንቀቕታ ይወሃበካ ወይ ድማ እቲ ኦ-ካሳ ወይ ትሳተፎ መደብ(ፕሮግራም) ዝህበካ ክፍሊት ክኽለኣካ ይኽእል።

ነቲ ምድላይ ስራሕ ብግቡእ ምስ ዘይትገብሮ፡ኮነ ኢልካ ስራሕ-ኣልቦነትካ ምስ ተናውሖ ወይ ብዙሕ ሳዕ ጠንቂ ናይ ስራሕ-ኣልቦነትካ ምስ ትኸውን፡ነፍሲ-ወከፍ ከምኡ ኣብ ትፍጽመሉ እዋን ንብዙሕ መዓልትታት ካብ’ቲ ትረኽቦ ደገፍ ትዕጾ።እዚ ብዙሕ ግዜ ምስ ዘጋጥም እቲ ዝወሃበካ ክፍሊት ገንዘብ ምሉእ ብምሉእ ደወ ክብል ይኽእል እዩ።

መጠንቀቕታ ወይ ምቊራጽ ክፍሊት ካብ ኦ-ካሳ

መጠንቀቕታ ወይ ምቊራጽ ክፍሊት ናይ’ቲ ትሳተፎ መደብ(ፕሮግራም)